THEIHTHAINA 6:4 - Mara Bible RV (BSI)

⁴ hetana heta tao awpa a châ: Molei ha tlai sala, thailei a châ khiahta cha, parupa ta a lapa hmozy, tlybaipa ta a lapa hmozy, a ku liata sôh pavaosapazy, chyhsa hmo pahleipa â huapazy cha a thô khai awpa a châ.

THEIHTHAINA 6:4 ပူးပေါင်းရင်းမြစ်များ

ÂTHAONA 21:25

Abimele chakaotuhpazy ta tikhaoh ama chhu hapa kyh liata, Abarahâ ta Abimele chô liata nôu bie reih ta.

NEHEMIAH 5:11

Tanoh tlai heta ama lyuzy, ama kre sadôzy, ama ôli sadôzy, ama ozy pakua khai ha u la, ama sôh, sâh, kre sadô nata sathaw zy tawhta apôhna nama lapazy pakua khai ha teh u,” tah na ta.

ZAWBÂ 20:19

Dyhchhiepa tlybaipa ta siesai ta, A sa leipa o a chhupa vâta.

ZAWBÂ 24:2

Chyhsazy ta râhrizy pasie ei ta, Mietakuzy paru ei ta ama zao.

ISAI 59:6

Zytôpuhpa bu ama râpazy cha, A bu tlâh châ leipa aw ta; Ama thaisapazy chhao, Chysia ta a tobi tlâh châ aw vei. Ama raihriazy cha, Moleina raihriazy châ ei ta; Thachahra hmâpa ta hmotaopazy Ama ku liata a y.

EZEKIA 18:12

dyhchhiepa nata phahlapazy tlybaipa ta, chyhsa hraopa ta, sôhkâ pakua leipa ta, khazoh nothlahpazy lâ a mo khaihpa ta, hmo pasichhihpa tao sala,

EZEKIA 18:18

A paw deikua cha, chyhsa eih chhu ta, a unawhpa hrao ta, a phopi hry liata hmo pha leipa a taopa vâta, pachâ teh, a paraona vâta a thi awpa a châ.

EZEKIA 18:7

ahy hmah tlybai leipa ta, a sôh dyu a cheituhpa ta sôhkâ a sopa pakuapa ta, ahy hmah hrao leipa sala, nodipa hnohta niedo piepa ta, thluahruapa poh pabu sala,

EZEKIA 33:15

moleipa ta sôhkâ a lapazy pakuapa ta, hmo a parupazy pie pakhua sala, hrona bieraopazy a chhihpa ta, hmo pha leipa a tao leipa khiahta cha, a hroh tlai aw, thi aw vei.

EZEKIA 44:19

Ama chysiazy tawhta zawpizy lâta pathaihna a kia pathlei lei nawpa ta, dôhpachhôh khôtho lâta vâtlâh tlyhmia lâ ama pua tita, ama chakaona chysiazy pahluh aw ei ta, chhôhpadâhpa pathaihpazy liata soh aw ei ta, chysia hropazy amâ patly tyh awpa a châ.

THEIHTHAINA 24:18

Thina taihta sahroh chô liata ku a pathlapa cha thô aw ta, sahroh vyuhpa ta sahroh a thô aw.

THEIHTHAINA 24:21

Sahroh a thiepa cha thô aw ta, chyhsa a thiepa cha ano chhao thie awpa a châ.

THEIHTHAINA 4:12

a pôhpa duata riehmo khôtho lâta buchâh thyna su sithaipa lâ siekhei aw ta, tho ta a rao aw. Viahchao tôhpa sa cha buchâh thyna liata rao awpa a châ.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

ZEPHANIA 1:9

Cha noh liata, Panana châkeih a zawpakhô tyhpa zydua hrie aw ei na ta, Thachahra hmâna nata dôveina ta ama khazoh o a pabiepazy ei hrie aw ei.

MALAKHAI 1:13

‘Cha thachhâ â chhih rimâ cha!’ tah ei chi ta, nama hnapasu nama tô chiepa liata ei moh nama papuapalei haw,” Pheisaihzy Abeipa ta a tah. “Nama parupa sahroh, asypa nata apasapazy vaw cheih ei chi ta, atheihna châta nama hlâ tyh. Nama ku tawhta ei châ pyhpa aw ei ma?” Abeipa ta a tah.

MALUHREINA 5:7

moleina hmo a taopa cha phuah aw ta, a hmo paraona mâ â kipa ta a thô aw. Cha thota, a paraopa mâ su pangawh su kha baichha aw ta, a hmo a paraopa chyhsa hnohta a pie aw.