THEIHTHAINA 6:25 - Mara Bible RV (BSI)

²⁵ “Arawna nata a sawchapawzy chho la, ama hnohta hetana heta reih teh: He he moleina hlâna taozie awpa ryhpa a châ: Raopa hlâna thie tyhna liata, moleina hlâna chhao Abeipa hmiakô ta thie awpa a châ. Cha cha hmo pathaih ngaitapa a châ.

THEIHTHAINA 6:25 ပူးပေါင်းရင်းမြစ်များ

EZEKIA 42:13

Chatawhcha chyhsa chata ei hnohta, “Tlyhmia dady liata a ypa maw lâta chhôhpadâhpazy nata chho lâta chhôhpadâhpazy he, chhôhpadâhpa pathaihpazy châ ei ta, Abeipa a hniapa theihthaipazy ta hmohlâpa pathaih chaipazy ama nie nawpa suzy a châ. Su pathaihpa a châpa vâta, hmohlâpa pathaih chaipazy, niepa hlâna, moleina hlâna nata thaileichâna hlâna zy cha, cha liata ama soh tyh awpa a châ.

THEIHTHAINA 1:11

Maisâh kâ maw lâchhâh ta Abeipa hmiakô liata thie aw ta, Arawna sawchapaw theihthaipazy ta maisâh kâ zydua liata a thisaih ama thia aw.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 1:5

Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 4:24

Mie luh chô liata a ku pahnieh aw ta, raopa hlâna thie tyhna liata Abeipa hmiakô ta a thie aw. Cha cha moleina hlâna a châ.

THEIHTHAINA 4:29

Moleina hlâna sa luh chô liata a ku pahnieh aw ta, moleina hlâna cha raopa hlâna su liata a thie aw.

THEIHTHAINA 6:17

Viahchhâ cha thinô pahlaopa ta tao awpa châ vei. Cha cha kei lâta mei ta hmohlâpa tawhta ama tovyuh awpa ta ei piepa châ ta, moleina hlâna nata thaileichâna hlânazy hawhta hmo pathaih ngaitapa a châ.

THEIHTHAINA 6:24

Abeipa ta Mawsi chho ta, a hnohta,

THEIHTHAINA 6:29

Theihthaipa chhôhkha laita chapaw zydua ta atheihna sa cha ama nie aw. Cha cha hmo pathaih ngaitapa a châ.

THEIHTHAINA 7:7

Thaileichâna hlâna cha moleina hlâna nata a lyu ta, taozie miakha a châ. A sazy cha chatlaina a taotuhpa theihthaipa tovyuh a châ aw.