THEIHTHAINA 6:22 - Mara Bible RV (BSI)

²² Arawna sawchapawzy hry tawhta ano a thla awpa sathawthupa theihthaipa ta niepa hlâna cha a hlâ aw. Cha cha Abeipa tovyuh châ zôzaw aw ta, a zydua ta rao khai awpa a châ.

THEIHTHAINA 6:22 ပူးပေါင်းရင်းမြစ်များ

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

HÔSIA 4:8

Ei phopi moleina atheihna sa nie ei ta, Chavâta chyhsazy ta moleina hmo ama tao awpa Tlao ama khoh kaw tyh.

THEIHTHAINA 3:17

“Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

THEIHTHAINA 4:24

Mie luh chô liata a ku pahnieh aw ta, raopa hlâna thie tyhna liata Abeipa hmiakô ta a thie aw. Cha cha moleina hlâna a châ.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 6:10

Theihthaipa ta pala rih dipa ta taopa chysia a tobi aw ta, a sapa khu nawpa ta pala rih dipa ta taopa chaopasy a pasy aw ta, maisâh liata raopa hlâna meipaohzy cha la aw ta, maisâh kâ liata a soh aw.

THEIHTHAINA 6:11

Chatawhcha a chysia cha pahluh aw ta, chysia hropa a tao aw ta, buchâhzy cha riehmo khôtho su sithaipa lâ a siekhei aw.

THEIHTHAINA 6:21

Viahdie cha sathaw nata pahlaopa ta, pakâhna lômathu liata pakâh awpa a châ. Pakâh khai tawhta a vaw ngiakhei aw chi ta, viahchhâ pakâhpa cha a tlawh ta pachhaihpa ta Abeipa châta ropahâhpa niepa hlâna ta na hlâ aw.

THEIHTHAINA 6:23

Theihthaipa ta niepa hlâna châta a hlâpa zydua cha rao khai awpa a châ. Nie cheita awpa châ vei,” tah ta.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

RYHPACHANEINA 10:6

“Izarei sawzy cha Berô Benezakâ tawhta Môserâ lâta sie ei ta. Cha liata Arawna thi ta, cha liata pabu ei ta. A sawchapawpa Eliaza ta ano su liata theihthaipa rai hria ta.

HEBRAI 7:23

Theihthaipazy cha thina vâta ama raihria ama pazao lymâ thei leipa vâta, theihthai hmiatuapazy maluh ama hluh ngaita.