THEIHTHAINA 6:2 - Mara Bible RV (BSI)

² “Chyhsa ta Abeipa châta a ngâchhihna pahleipa ta, chyhsa sôh â vaopa kyh liata zy, chyhsa hnohta pie awpa bie â taihpa kyh liata zy, a parupa kyh liata zy, â doleipa ta a vaih chô liata taopa ta tlyma, a vaih tlybai raruahpa ta tlyma, hmo a parao khiahta cha;

THEIHTHAINA 6:2 ပူးပေါင်းရင်းမြစ်များ

ÂTHAONA 26:7

Cha khih chyhsazy ta a lapinô thâtih hiahri ei ta, “Ei sietanô na a châ” tah ta. A chhithai kawpa vâta, “A khih chyhsazy ta Rebekâ vâta eina thie pathlei aw ei na,” tah ta, “Ei lapinô na a châ,” a tah ngâh leipa a châ.

HLAZY 51:4

Na chô liata, nâma chô lia tlai ta vaw molei na ta, Na mohmô liata hmo pha leipa ei vaw tao haw; Na biezy liata thaichâ chi ta, Na pachiana liata seina y vei.

BIESOZY 24:28

A chhâpa y leipa ta na vaih kyh liata pahnokheituhpa ta y leipa la, Na hmao ta dôvei khah y.

BIESOZY 26:19

A vaih a dôveituhpa ta, “Sai na ei so bao!” a tah tyh.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

EZEKIA 40:46

maw lâ a heihpa chhôhpadâhpa he, maisâh a vaotuhpa theihthaipazy y nawpa a châ. Âmo cha Zadô sawchapawzy châ ei ta, Livai sawchapawzy hry liata âmo deita he, Abeipa chakao awpa ta Abeipa a hnia theipazy ama châ,” tah ta.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

THEIHTHAINA 5:15

“Chyhsa ta hmo paraopa ta Abeipa hmo pathaihpazy chô liata a molei pathlei khiahta cha, a moleina ty thô nawpa ta, mietaku zaw hry tawhta mietaku tôhpa seina hnei leipa Abeipa lâ a hlâ awpa a châ. Supathaihpa tâkâ reizie ta reipa ta, mietaku tôhpa mâ dopa cha a tâkâ ta cheih pâ aw ta, thaileichâna hlâna châta a hlâ aw.

THEIHTHAINA 5:19

Abeipa hmiakô liata thailei a châ ha tlaipa vâta, cha cha a thaileichâna hlâna a châ,” tah ta.

THEIHTHAINA 6:1

Abeipa ta Mawsi chho ta, a hnohta,

AMÔSÂ 8:5

“Sâh eima zua thei nawpa ta, Thla thiehpa he lei bâ sala eima tah kaw dia! Viahdie eima zua thei nawpa ta, Pahânoh chhâ bâ sala eima tah kaw dia! Kachu pachyhpa ta sekel palai aw pi ta, Khopathliahna doleipa hmâpa ta sôh eima palie aw.

HABAKU 1:13

Na mo cha moleina mo nawpa ta pathaih tu ha ta, Paraonazy moh thei vei. Chyhsa ta piehpie kawpa ta hmo a tao nota, Khazia na y molo thlâh haw? Moleipa ta ano hlâta chyhsa sia viapa a palâ nota, Khazia nâ chalih thlah haw?

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

HMOTAOPAZY 5:4

Râh cha a y chhôh zydua kha nâma eih châ vei mâ? Na zuah tawh chhao ta nâma rei sai châ pyly vei ma? Khazia he hawhpa hmo tao khohna palôh na hnei tly? Chyhsapa a dôveipa châ va chi, Khazohpa a dôveipa na châ,” tah ta.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

KAOLAOSÂ 3:9

Nama chyhsa parohpa cha a hmotaopazy chhaota nama pahluh hapa vâta, haipa bie a chho raihrie khao khuh vy.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.