THEIHTHAINA 6:11 - Mara Bible RV (BSI)

¹¹ Chatawhcha a chysia cha pahluh aw ta, chysia hropa a tao aw ta, buchâhzy cha riehmo khôtho su sithaipa lâ a siekhei aw.

THEIHTHAINA 6:11 ပူးပေါင်းရင်းမြစ်များ

PUASAINA 29:37

Noh sari chhôh aryhna taopa ta maisâh cha pathaisa aw chi ta, chatanachata maisâh cha hmo pathaih chaipa vaw châ aw ta, maisâh a hriapa maih ama pathaih lymâ aw.

EZEKIA 44:19

Ama chysiazy tawhta zawpizy lâta pathaihna a kia pathlei lei nawpa ta, dôhpachhôh khôtho lâta vâtlâh tlyhmia lâ ama pua tita, ama chakaona chysiazy pahluh aw ei ta, chhôhpadâhpa pathaihpazy liata soh aw ei ta, chysia hropazy amâ patly tyh awpa a châ.

THEIHTHAINA 16:27

Chatlaina tao nawpa ta Su Pathaihpa liata ama thisaih a ngiakheipa moleina hlâna viahchao tôhpa nata moleina hlâna mie cha, riehmo khôtho lâ puakhei awpa châ ta, ama vozy, ama sapazy nata ama iezy mei ta rao awpa a châ.

THEIHTHAINA 24:9

Cha cha Arawna nata a sawchapawzy tovyuh châ aw ta, Abeipa lâta mei ta hmohlâpazy tawhta chhâzaw châta ama tovyuh pathaihpa a châpa vâta, su pathaihpa liata ama nie awpa a châ,” tah ta.

THEIHTHAINA 4:12

a pôhpa duata riehmo khôtho lâta buchâh thyna su sithaipa lâ siekhei aw ta, tho ta a rao aw. Viahchao tôhpa sa cha buchâh thyna liata rao awpa a châ.

THEIHTHAINA 4:21

Viahchao tôhpa cha riehmo khôtho lâ phaoh aw ta, viahchao tôhpa hmiatuapa a raopa hawhna khata a rao aw. Cha cha zawpi châta moleina hlâna a châ.

THEIHTHAINA 6:10

Theihthaipa ta pala rih dipa ta taopa chysia a tobi aw ta, a sapa khu nawpa ta pala rih dipa ta taopa chaopasy a pasy aw ta, maisâh liata raopa hlâna meipaohzy cha la aw ta, maisâh kâ liata a soh aw.

THEIHTHAINA 6:12

Maisâh liata mei cha a ia ngâ thlâh awpa châ ta, a thi awpa châ vei. Theihthaipa ta a my chareih ta tho ti aw ta, a chô liata raopa hlâna soh aw ta, cha liata aryhna hlâna thawzy a rao tyh aw.

THEIHTHAINA 6:20

“He he Arawna nata a sawchapawzy ta sathawthupa ama châ noh ta Abeipa lâ ama hlâ awpa hmohlâpa a châ: Niepa hlâna viahdie dipa tawhta kachu su hrawh su kha, my ta â khophie, zâ ta â khophie ama hlâ tyh aw.

THEIHTHAINA 6:22

Arawna sawchapawzy hry tawhta ano a thla awpa sathawthupa theihthaipa ta niepa hlâna cha a hlâ aw. Cha cha Abeipa tovyuh châ zôzaw aw ta, a zydua ta rao khai awpa a châ.

THEIHTHAINA 7:6

Theihthaipa chhôhkha liata chapaw zydua ta nie aw ei ta, su pathaihpa liata nie awpa a châ. Cha cha hmo pathaih ngaitapa a châ.