THEIHTHAINA 5:7 - Mara Bible RV (BSI)

⁷ “Mietakutaw a pachâ thei leipa khiahta cha, a moleina chatlai nawpa ta vachhuh pô no tlyma, pivawtaw pô no tlyma Abeipa lâ a hlâ awpa a châ. Pô kha moleina hlâna châta châ aw ta, ahropa cha raopa hlâna châta a châ aw.

THEIHTHAINA 5:7 ပူးပေါင်းရင်းမြစ်များ

THEIHTHAINA 12:6

“Sawchapaw vâta tlyma, sawchanô vâta tlyma, â pathaina noh â ki nahta, raopa hlâna châta mietakutaw kô khapa nata moleina hlâna châta pivaw taw tlyma vachhuh tlyma, ahmaohna poh o chhikao liata theihthaipa lâta a cheih awpa a châ.

THEIHTHAINA 12:8

Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 14:30

Vachhuhzy tlyma, pivawtawzy tlyma, a hneipa thithaw theihthaipa ta hlâ aw ta,

THEIHTHAINA 14:31

moleina hlâna châta pô kha hlâ aw ta, raopa hlâna châta pô kha, niepa hlâna chhaota hlâ aw ta, pathaisa awpa châta Abeipa hmiakô liata chatlaina a taopa aw.

THEIHTHAINA 15:30

Theihthaipa ta moleina hlâna châta pô kha, raopa hlâna châta pô kha hlâ aw ta, hnopasupa vâta a pathaih leina châta Abeipa hmiakô liata chatlaina a taopa aw.

THEIHTHAINA 16:5

Izarei zawpi tawhta moleina hlâna châta mie tôhpa pô no nata raopa hlâna châta mietaku tôhpa pô kha a la aw.

THEIHTHAINA 27:8

Dyhchhiepa châ sala a mâ na tupa zie a pie thei lei awpa a châ khiahta cha, theihthaipa lâ a chhi awpa châ ta, theihthaipa ta a mâ tu aw ta, bie a taihtuhpa tao theinazie hawhta theihthaipa ta a mâ a tu aw.

THEIHTHAINA 5:11

“Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 7:1

“He he thaileichâna hlâna taozie awpa ryhpa châ ta, hmo pathaih ngaitapa a châ:

THEIHTHAINA 9:3

Izarei sawzy chho la, ama hnohta, ‘Moleina hlâna châta mie tôhpa nata raopa hlâna châta viahchaotaw nata mietakutaw kô khapa raihrie, seina a hnei leipazy cheih u la,

MALUHREINA 5:6

“Izarei sawzy chho la ama hnohta hetana heta reih teh: Chapaw tlyma, chanô tlyma, chyhsazy hmo parao tyhpa kheihawhpa tlyma paraopa ta, Abeipa chô liata ngâchhih leipa ta y sala, thailei a châ khiahta cha,

MALUHREINA 6:10

A noh chariena noh ta theihthaipa hnohta vachhuh pô no tlyma, pivaw pô no tlyma ahmaohna poh o chhikao liata vaw cheih aw ta,

MALUHREINA 6:11

theihthaipa ta pô kha moleina hlâna châta hlâ aw ta, ahropa raopa hlâna ta a hlâ aw. Cha hawhna chata athihpa ri vâta a moleina cha chatlaina taopa aw ta, cha noh lia tlai ta a luh cha a pathaisa aw.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MATHAI 21:12

Zisu cha Achhyna o liata a ngia ta, cha liata hmo a zuahpa nata a chaleipa zydua papua ta, tâkâ rituhpazy tlâhkhai nata pivaw zuahtuhpazy dyuchhai chati pathlah ta.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

LUKA 2:24

Abeipa ryhpa bie ta, atheihna hlâna châta “Vachhuh bao kha tlyma, pivaw taw pô no tlyma,” hlâ awpa a tahpa hawhta ama taopa a châ.

2 KAWRINI 8:12

Pie khohna a y khiahta cha, chyhsa ta a hnei leipa châ leipa ta, a hneipa nata â phuhpa ta a piepa cha a pyh tlâh a châ.