THEIHTHAINA 5:2 - Mara Bible RV (BSI)

² “Chyhsa ta hmo pathaih leipa, râhsa pathaih leipa athipa tlyma, osa pathaih leipa athipa tlyma, alyhpasa pathaih leipa athipa tlyma a hria khiahta cha, pahno leipa ta a hriapa a châpa chhao ta, pathaih leipa châ ha ta, thailei a châ aw.

THEIHTHAINA 5:2 ပူးပေါင်းရင်းမြစ်များ

HLAZY 19:12

Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

ISAI 52:11

Pua teh u, pua teh u, Sei ta namâ tâhna su tawhta pua u la, Hmo pathaih leipa rai hria khah u. Nâmo, Abeipa hmobaoh a chabatuhpazy saih u, Babylaw tawhta pua u la, a pathai teh u.

THEIHTHAINA 11:11

Chazy cha nama châta pasichhihpa ta nama pachâ awpa châ ta, ama sa nama nie awpa châ leipa ta, a thiruapazy chhao nama pasi ngaita awpa a châ.

THEIHTHAINA 11:8

A sa nama nie awpa châ leipa ta, a thiruapa chhao nama hria awpa châ vei. Nama châta pathaih leipa a châ.

THEIHTHAINA 4:13

“Izarei phopi pôhpalôhpa ta Abeipa ta tao lei awpa ta bie a piepa kheihawhpa tlyma taopa ta ama molei pathlei khiahta cha, zawpi tawhta nyupa a châpa chhao ta, thailei ama châ pyly aw.

THEIHTHAINA 5:17

“Abeipa ta tao lei awpa ta bie a piepa kheihawhpa tlyma chyhsa ta tao sala a molei khiahta cha, pahno leipa ta a tao pathleipa a châpa chhao ta, thaileichâ pyly aw ta, a paraona maoh a phaoh aw.

THEIHTHAINA 5:3

“Chyhsa ta chyhsa pathaih leina a hria khiahta cha, pathaih leina a tlôkheipa hmo kheihawhpa rai châ sala, pahno leipa ta a hriapa a châpa chhaota, a pahno tita thailei a châ pyly aw.

THEIHTHAINA 5:4

“Chyhsa ta hmo chhiepa tao awpa tlyma, hmo phapa tao awpa tlyma, a hmao ta naosia kawpa ta bie â taih khiahta cha, kheihawhpa bietai rai châ sala, pahno leipa ta a taopa a châpa chhaota, a pahno tita thailei a châ pyly aw.

THEIHTHAINA 7:21

Hmo pathaih leipa kheihawhpa rai, chyhsa pathaih leipa tlyma, sa pathaih leipa tlyma, hmo pathaih leipa pasichhihpa tlyma, chyhsa ta hria sala, chatanachôta Abeipa lâta aryhna hlâna atheihna sa a nie khiahta cha, cha chyhsa cha a phopi tawhta chhawh pathlahpa a châ aw,” tah ta.

HÂKAI 2:13

Hâkai ta, “Cha khiahta la, athihpa ri a hriapa vâta pathaih leipa chyhsa ta he hmo miakha he hria ha sala, cha hmo cha pathaih leipa lâta â lie aw ma?” tahpa ta theihthaipazy cha hiahri heih ta. Theihthaipazy ta, “Pathaih leipa lâta â lie aw,” tah ei ta.

MALUHREINA 19:22

Chyhsa pathaih leipa ta hmo a hriapa maih pathaih leipa châ aw ta, cha hmo pathaih leipa a hriapa cha zâlâ taih pathaih leipa a châ aw,” tah ta.

LUKA 11:44

Nama hu a po na! Ngiana tao leipa thlâ châ ei chi ta, chyhsazy ta pahno leipa ta ama sie thlu tyhpa thlâ hawhta nama châ,” tah ta.

2 KAWRINI 6:17

“Chavâta ama hry tawhta pua u la, Â nano ta y teh u, Abeipa ta a tah. Hmo pathaih leipa hria khuh vy, Chatanachata ei châ ly aw ei;

RYHPACHANEINA 14:8

Vao he a chakie cha a pachhaih ta, châhrasala a thie a chaeih leipa vâta nama châta sa pathaih leipa a châ. A sa nama nie awpa châ leipa ta, thiruapa chhao nama hria awpa châ vei.