THEIHTHAINA 5:11 - Mara Bible RV (BSI)

¹¹ “Vachhuh pô no tlyma, pivawtaw pô no tlyma a pachâ thei leipa khiahta cha, a moleina chatlai nawpa ta, moleina hlâna châta viahdie di ngaitapa kachu su hrawh su kha a hlâ awpa a châ. Moleina hlâna a châpa vâta, sathaw a bao awpa châ leipa ta, a chô liata deiryh a soh awpa châ hra vei.

THEIHTHAINA 5:11 ပူးပေါင်းရင်းမြစ်များ

PUASAINA 16:18

Saikhua ta ama panua nahta deikua cha, a hluh via a huahpa ta laibâhpa hnei leipa ta, a chyh via a huahpa ta a phahla hlei vei. Chyhsa to ama nie khi chyu ta amâ huah khai.

PUASAINA 16:36

Saikhua hmo kha cha kachu su hrawh su kha a châ.

THEIHTHAINA 1:14

“Abeipa lâta raopa hlâna ta a hlâ awpa cha pavaw hry tawhta a châ khiahta cha, vachhuh tlyma, pivaw taw tlyma a hlâ awpa a châ.

THEIHTHAINA 12:8

Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 14:21

“Dyhchhiepa châ sala, a hneina ta a tloh leipa khiahta cha, mietaku chapawpa pô kha cheih aw ta, ano châta chatlaina tao nawpa ta, thaileichâna hlâna châta chaluahpa a châ aw. Niepa hlâna châta viahdie dipa sathaw pahlaopa kachu su hrawh su kha nata sathaw chhiehraôh ôh kha cheih aw ta,

THEIHTHAINA 27:8

Dyhchhiepa châ sala a mâ na tupa zie a pie thei lei awpa a châ khiahta cha, theihthaipa lâ a chhi awpa châ ta, theihthaipa ta a mâ tu aw ta, bie a taihtuhpa tao theinazie hawhta theihthaipa ta a mâ a tu aw.

THEIHTHAINA 5:12

Theihthaipa lâ cheih aw ta, theihthaipa ta atheithlâhna hmo châta pazah kha la aw ta, maisâh chô liata Abeipa lâta mei ta hmohlâpa chô liata a rao aw. Cha cha moleina hlâna cha a châ.

THEIHTHAINA 5:6

a moleina chatlai nawpa ta mietaku zaw hry tawhta mietakutaw chanôpa tlyma, mie chanôpa tlyma, moleina hlâna châta Abeipa lâ hlâ aw ta, theihthaipa ta a moleina chatlaina a taopa aw.

THEIHTHAINA 5:9

Moleina hlâna thisaih cha maisâh kâ liata thia aw ta, thisaih laibâhpazy cha maisâh thaby liata palosa khai awpa a châ. Cha cha moleina hlâna a châ.

THEIHTHAINA 6:20

“He he Arawna nata a sawchapawzy ta sathawthupa ama châ noh ta Abeipa lâ ama hlâ awpa hmohlâpa a châ: Niepa hlâna viahdie dipa tawhta kachu su hrawh su kha, my ta â khophie, zâ ta â khophie ama hlâ tyh aw.

MALUHREINA 5:15

a lapinô cha theihthaipa hnohta a chhi aw ta, a lapinô châta hmo hlâ awpa bâli sâh kachu su hrawh su kha a cheipa aw. Hiatliana niepa hlâna châ ta, paraona atheithlâhna niepa hlâna a châpa vâta, bâli sâh cha sathaw a bao awpa châ leipa ta, deiryh chhao a chô liata a soh awpa châ vei.

MALUHREINA 7:13

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

LUKA 2:24

Abeipa ryhpa bie ta, atheihna hlâna châta “Vachhuh bao kha tlyma, pivaw taw pô no tlyma,” hlâ awpa a tahpa hawhta ama taopa a châ.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 9:22

Hmeiseihta ta, ryhpa ry liata cha, ato zydua thisaih ta pathaisapa châ ta, thisaih palo leipa ta molei ngiahthaina rai y vei.