THEIHTHAINA 4:7 - Mara Bible RV (BSI)

⁷ Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 4:7 ပူးပေါင်းရင်းမြစ်များ

HLAZY 118:27

Abeipa cha Khazohpa châ ta, Eima chô liata a khaihna a pakhaihsa haw. Atheihna sahroh cha chaori ta hraih u la, Maisâh kizy liata hraih teh u!

PUASAINA 29:12

Viahchao tôhpa thisaih cha la aw chi ta, maisâh kizy liata na kuparo ta hnia aw chi ta, thisaih laibâhpazy cha maisâh thaby liata na patlai khai aw.

THEIHTHAINA 1:5

Viahchao tôhpa cha Abeipa hmiakô liata thie aw ta, Arawna sawchapaw theihthaipazy ta a thisaih hlâ aw ei ta, ahmaohna poh o chhikao liata maisâh kâ zydua liata thisaih ama thia aw.

THEIHTHAINA 16:18

Cha khai tawhta, Abeipa hmiakô liata maisâh lâ pangai aw ta, maisâh châta chatlaina a taopa aw. Viahchao tôhpa thisaih nata mie thisaihzy la aw ta, maisâh kizy liata â dôna taihta a hnia aw.

THEIHTHAINA 4:18

Thisaih la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 4:25

Theihthaipa ta moleina hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:30

Theihthaipa ta a kudy ta a thisaih la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:34

Theihthaipa ta raopa hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 5:9

Moleina hlâna thisaih cha maisâh kâ liata thia aw ta, thisaih laibâhpazy cha maisâh thaby liata palosa khai awpa a châ. Cha cha moleina hlâna a châ.

THEIHTHAINA 6:30

Su Pathaihpa liata chatlaina tao nawpa ta, ahmaohna poh o liata a thisaih ama vaw cheipa sa, moleina hlâna châta atheihna sa deikua cha, nie awpa châ vei. Mei ta rao awpa a châ.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

THEIHTHAINA 9:9

Arawna sawchapawzy ta thisaih kei pie ei ta, thisaih liana cha a kudy ny ta, maisâh kizy liata hnia ta, thisaih laibâhpa cha maisâh thaby liata patlai ta.

EPHESI 2:13

Tahmâ Krista Zisu liata deikua cha, nâmo, eikhano ta lâhlapi ta a y tyhpazy kha, Krista thisaih ta pahniasapa ta nama y haw.

HEBRAI 9:15

Chavâta Krista cha biehrai thiehpa lyuhchâpa a châ. Biehrai hmiatuapa ry liata paraonazy chatlai nawpa ta Krista cha thi ta, chatanachata awpazy ta chhâzaw ryu to awpa bietai cha ama to thei aw.

HEBRAI 9:21

Cha hawhna chata achhyna byureih nata chakaona hmobaoh zydua chhao thisaih ta a thia khai.

BIEPHUAH 6:9

Chahnaona miapangawhna a pathlâpa nahta, Khazohpa bie vâta nata pahnokheina bie amâ duakheipa vâta ama thiepazy thlahpa maisâh ry liata hmô na ta.