THEIHTHAINA 4:5 - Mara Bible RV (BSI)

⁵ Sathawthupa theihthaipa ta viahchao tôhpa thisaih cha la aw ta, ahmaohna poh o lâ â ngiakhei aw.

THEIHTHAINA 4:5 ပူးပေါင်းရင်းမြစ်များ

THEIHTHAINA 16:14

Viahchao tôhpa thisaih la aw ta, a kudy ta zawngiahna dyuchhai nochhi lâchhâh thia aw ta, zawngiahna dyuchhai hmia lâ chhao, a kudy ta thisaih cha ei sari a thia aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 16:19

Maisâh cha a kudy ta thisaih ei sari thia aw ta, a pathaisa aw. Cha hawhna chata maisâh cha Izarei sawzy pathaih leinazy tawhta a pathaisa aw.

THEIHTHAINA 4:3

moleina a taotuhpa cha sathawthupa theihthaipa a châpa vâta, Izarei phopi chô liata thaileichâna a patlôsa awpa a châ khiahta cha, a moleina chatlai nawpa ta, viahchao tôh dawpa seina hnei leipa cha, moleina hlâna châta Abeipa lâ a hlâ awpa a châ.

THEIHTHAINA 6:23

Theihthaipa ta niepa hlâna châta a hlâpa zydua cha rao khai awpa a châ. Nie cheita awpa châ vei,” tah ta.

MALUHREINA 19:4

Theihthaipa Eliaza ta a kudy ta a thisaih la aw ta, ahmaohna poh o hmia lâta ei sari a thia aw.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.