THEIHTHAINA 4:34 - Mara Bible RV (BSI)

³⁴ Theihthaipa ta raopa hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:34 ပူးပေါင်းရင်းမြစ်များ

ISAI 42:21

Abeipa cha asiapa a châpa vâta, A ryhpa bie cheihchalo ta parônahsapa cha, Â lyna a châ tyh.

THEIHTHAINA 4:18

Thisaih la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 4:25

Theihthaipa ta moleina hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:30

Theihthaipa ta a kudy ta a thisaih la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:7

Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

ZAWHÂNA 17:19

Biehmeiseihpa liata pathaisapa ama châ thei nawpa ta, âmo vâta keimasasyh ta ei pathaisa.

RAWMA 10:4

Krista cha ngiapâtuhpa zydua ta siana ama hmô thei nawpa ta ryhpa chhâna a châ.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:3

Sapa chiehleina vâta ryhpa ta a tao thei leipa cha, Khazohpa ta a tao haw. Ano Sawchapawpa tlai cha, molei theipa sapa pôhpa paphaosapa ta, molei atheihna châta vaw tuah ta, sapa liata moleina a ypa cha thailei a pachâsa haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.