THEIHTHAINA 4:31 - Mara Bible RV (BSI)

³¹ A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 4:31 ပူးပေါင်းရင်းမြစ်များ

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

EZRÂ 6:10

Chatanachata avâ Khazohpa a palysapa atheihnazy hlâ aw ei ta, abei nata a sawchapawzy hrona châta thlah ama chhâ tyh aw.

ZAWBÂ 42:8

Chavâta tahmâ viahchao tôhpa po sari nata mietaku tôhpa pô sari a chhipa ta, nâ chakaotuhpa Zawbâ lâ vawh u la, nâmo châta raopa hlâna kei hlâ muh vy. Nâ chakaotuhpa Zawbâ ta a reipa hawhta, ei thâtih â dopa ta reih leipa ei chi ta, châhrasala nâ chakaotuhpa Zawbâ ta thlah cha chhâpa aw ei ta, a thlahchhâna cha a pyh awh na ta, nama hruna hawhta nama chô liata hmo tao aw va na,” tah ta.

PUASAINA 29:18

Mietaku tôhpa cha a zydua ta maisâh liata rao aw chi ta, cha cha Abeipa châta raopa hlâna châ ta, Abeipa lâta mei ta hmohlâpa ropahâhpa a châ.

ISAI 42:21

Abeipa cha asiapa a châpa vâta, A ryhpa bie cheihchalo ta parônahsapa cha, Â lyna a châ tyh.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

THEIHTHAINA 1:13

A chhôrihzy nata a pheizy deikua cha, ti ta a pasi tua awpa a châ. Theihthaipa ta a zydua ta hlâ aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:17

A mathlawzy chamieh pachhô aw ta, a pachhaih deikua pachhaih pathlah awpa châ vei. Hmohlâpa cha theihthaipa ta maisâh mei tho chô liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 1:9

A chhôrihzy nata a pheizy deikua cha, ti ta a pasi tua awpa a châ. Theihthaipa ta sa cha a zydua ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 14:18

Chatawhcha theihthaipa ta a ku liata sathaw laibâhpazy cha a pathaisa awpa luh liata hnia aw ta, Abeipa hmiakô liata chatlaina a taopa aw.

THEIHTHAINA 15:15

Theihthaipa ta moleina hlâna châta pô kha, raopa hlâna châta pô kha hlâ aw ta, a hniah lopa châta Abeipa hmiakô liata chatlaina a taopa aw.

THEIHTHAINA 19:22

Chapaw moleina chatlai nawpa ta, theihthaipa ta thaileichâna hlâna mietaku tôhpa hlâ aw ta, Abeipa hmiakô liata chatlaina a taopa aw. Chatanachata a moleina cha a ngiahthaipa a châ aw.

THEIHTHAINA 2:2

Arawna sawchapaw theihthaipazy lâ a vawkhei aw. Theihthaipa ta viahdie dipa cha a sathaw nata a deiryh zydua chhaota, pazah kha la aw ta, cha cha atheithlâhna hmo a châ aw. Niepa zydua hlâ khaipa a châzie a thei thlâh ha nawpa ta maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 2:9

Niepa hlâna tawhna chata theihthaipa ta atheithlâhna hmo la aw ta, maisâh liata a rao aw. Cha cha ropahâhpa châta Abeipa lâta raopa hlâna, mei ta hmohlâpa a châ.

THEIHTHAINA 4:19

A thaw zydua la aw ta, maisâh liata a rao aw.

THEIHTHAINA 4:26

A thaw zydua cha, aryhna hlâna châta atheihna thaw hawhta maisâh liata rao aw ta, theihthaipa ta a moleina châta chatlaina taopa aw ta, chatanachata a ngiahthaipa a châ aw.

THEIHTHAINA 4:35

A thaw zydua cha, aryhna hlâna châta atheihna mietakutaw thaw lapa hawhta la aw ta, theihthaipa ta maisâh liata Abeipa lâta mei ta hmohlâpa chô liata rao aw ta, moleina hmo a taopa ty thô nawpa ta, theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 5:10

Ahropa cha raopa hlâna châta hlâ aw ta, raopa hlâna taozie hawhta hlâ awpa a châ. Theihthaipa ta a moleina chatlaina taopa aw ta, chatanachata a ngiahthaipa a châ aw.

THEIHTHAINA 5:6

a moleina chatlai nawpa ta mietaku zaw hry tawhta mietakutaw chanôpa tlyma, mie chanôpa tlyma, moleina hlâna châta Abeipa lâ hlâ aw ta, theihthaipa ta a moleina chatlaina a taopa aw.

THEIHTHAINA 8:21

Mawsi ta mietaku tôhpa chhôrih nata pheizy cha ti ta pasi ta, mietaku tôhpa cha a zydua ta maisâh liata rao ta. Abeipa ta Mawsi hnohta bie a piepa hawhta, cha cha ropahâhpa châta raopa hlâna, Abeipa lâta mei ta hmohlâpa a châ.

MALUHREINA 15:25

Chatawhcha theihthaipa ta Izarei zawpi zydua châta chatlaina tao aw ta, tao pathleipa châ ta, ama tao pathleipa châta Abeipa lâta mei ta hmohlâpa hlâ ei ta, Abeipa hmiakô liata moleina hlâna ama hlâ hapa vâta, a ngiahthaipa ama châ aw.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 10:14

Ei kha â hlâna ta a pathaisa hapazy cha, chhâzaw châta a pakipa ha ei.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.