THEIHTHAINA 4:25 - Mara Bible RV (BSI)

²⁵ Theihthaipa ta moleina hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:25 ပူးပေါင်းရင်းမြစ်များ

PUASAINA 29:12

Viahchao tôhpa thisaih cha la aw chi ta, maisâh kizy liata na kuparo ta hnia aw chi ta, thisaih laibâhpazy cha maisâh thaby liata na patlai khai aw.

ISAI 40:21

Pahno beih veih ei chi ma? Thei beih veih ei chi ma? Âthaona tawhta cha chho ha veih ei ma? Leilô bô tua no tawhna khata nama novâh ha vei ma?

THEIHTHAINA 16:18

Cha khai tawhta, Abeipa hmiakô liata maisâh lâ pangai aw ta, maisâh châta chatlaina a taopa aw. Viahchao tôhpa thisaih nata mie thisaihzy la aw ta, maisâh kizy liata â dôna taihta a hnia aw.

THEIHTHAINA 17:11

Sapa hrona cha thisaih liata y ta, cha cha nama hronazy chatlai nawpa ta, maisâh liata ei cha pie ei. Thisaih cha hrona châ ta, hrona chatlaina a tao theituhpa cha thisaih a châ.

THEIHTHAINA 4:18

Thisaih la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 4:24

Mie luh chô liata a ku pahnieh aw ta, raopa hlâna thie tyhna liata Abeipa hmiakô ta a thie aw. Cha cha moleina hlâna a châ.

THEIHTHAINA 4:30

Theihthaipa ta a kudy ta a thisaih la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:34

Theihthaipa ta raopa hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

THEIHTHAINA 4:7

Theihthaipa ta thisaih cha la heih aw ta, ahmaohna poh o chhôh liata ropahâhpa maisâh kizy liata Abeipa hmiakô ta hnia aw ta, viahchao tôhpa thisaih laibâhpa zydua cha, ahmaohna poh o chhikao liata raopa hlâna maisâh thaby liata a patlai khai aw.

THEIHTHAINA 5:9

Moleina hlâna thisaih cha maisâh kâ liata thia aw ta, thisaih laibâhpazy cha maisâh thaby liata palosa khai awpa a châ. Cha cha moleina hlâna a châ.

THEIHTHAINA 8:10

Chatawhcha Mawsi ta sathaw pathaihpa la ta, achhyna byureih nata a chhôh liata hmo a ypa zydua thupa ta pathaisa ta.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

THEIHTHAINA 9:9

Arawna sawchapawzy ta thisaih kei pie ei ta, thisaih liana cha a kudy ny ta, maisâh kizy liata hnia ta, thisaih laibâhpa cha maisâh thaby liata patlai ta.

RAWMA 10:4

Krista cha ngiapâtuhpa zydua ta siana ama hmô thei nawpa ta ryhpa chhâna a châ.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

HEBRAI 9:22

Hmeiseihta ta, ryhpa ry liata cha, ato zydua thisaih ta pathaisapa châ ta, thisaih palo leipa ta molei ngiahthaina rai y vei.