THEIHTHAINA 4:21 - Mara Bible RV (BSI)

²¹ Viahchao tôhpa cha riehmo khôtho lâ phaoh aw ta, viahchao tôhpa hmiatuapa a raopa hawhna khata a rao aw. Cha cha zawpi châta moleina hlâna a châ.

THEIHTHAINA 4:21 ပူးပေါင်းရင်းမြစ်များ

EZRÂ 8:35

Cha daihti liata, paipatlapa, seichâna tawhta a vaw kuapazy ta Izarei Khazohpa lâta raopa hlânazy hlâ ei ta. Viahchao tôhpa pô hrawh hleino, mietaku tôhpa sychaki nata pô charu, mietakutaw sysari nata pô sari Izarei zydua châta hlâ ei ta. Cha zydua cha Abeipa lâta raopa hlâna sai a châ.

PUASAINA 29:14

Viahchao tôhpa sa, a vo nata a iezy deikua cha, riehmo khôtho liata na rao awpa a châ. Cha cha moleina hlâna a châ.

EZEKIA 45:22

Cha noh liata, abei ta ano nata râh chyhsa zydua châta moleina hlâna châta viahchao tôh dawpa â chhuanoh aw.

THEIHTHAINA 16:15

“Cha khai tawhta zawpi châta moleina hlâna mie thie aw ta, pohraipa chhôh lâ a thisaih â ngiakhei aw. Viahchao tôhpa thisaih a taopa hawhna khata, mie thisaih chhao cha tao aw ta, zawngiahna dyuchhai chô liata nata zawngiahna dyuchhai hmiakô liata a thia aw.

THEIHTHAINA 16:21

Arawna ta mie hrohpa luh chô liata a ku kârano pahnieh aw ta, Izarei sawzy paraona, tao pasina nata moleina zydua mie chô liata palâhâh aw ta, chazy cha mie luh chô liata a soh khai aw. Mie cha rao eihpa chyhsa ku liata pie aw ta, râhchawhpa lâ a kei pathliesa aw.

THEIHTHAINA 16:27

Chatlaina tao nawpa ta Su Pathaihpa liata ama thisaih a ngiakheipa moleina hlâna viahchao tôhpa nata moleina hlâna mie cha, riehmo khôtho lâ puakhei awpa châ ta, ama vozy, ama sapazy nata ama iezy mei ta rao awpa a châ.

THEIHTHAINA 4:13

“Izarei phopi pôhpalôhpa ta Abeipa ta tao lei awpa ta bie a piepa kheihawhpa tlyma taopa ta ama molei pathlei khiahta cha, zawpi tawhta nyupa a châpa chhao ta, thailei ama châ pyly aw.

THEIHTHAINA 4:20

Cha hawhna chata viahchao tôhpa cha hlâ aw ta, theihthaipa châta moleina hlâna viahchao tôhpa taozie hawhta a tao aw. Cha hawhna chata theihthaipa ta zawpi châta chatlaina tao aw ta, a ngiahthaipa ama châ aw.

THEIHTHAINA 6:11

Chatawhcha a chysia cha pahluh aw ta, chysia hropa a tao aw ta, buchâhzy cha riehmo khôtho su sithaipa lâ a siekhei aw.

THEIHTHAINA 6:23

Theihthaipa ta niepa hlâna châta a hlâpa zydua cha rao khai awpa a châ. Nie cheita awpa châ vei,” tah ta.

THEIHTHAINA 8:17

Abeipa ta Mawsi hnohta bie a piepa hawhta, viahchao tôhpa vo, a sapa nata a ie deikua cha, riehmo khôtho liata rao khaipa a châ.

MALUHREINA 15:24

tao pathleipa châ sala, zawpi pahno leipa a châ khiahta cha, viahchao hri hry tawhta viahchao tôh dawpa pô kha raopa hlâna châta zawpi ta ama hlâ aw. Cha cha Abeipa châta ropahâhpa a châ. Â chakaihpa niepa hlâna nata dopa hlâna chhao taozietyhpa hawhta hlâ aw ei ta, moleina hlâna châta mie tôhpa pô kha ama hlâ aw.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

HEBRAI 13:11

Theihthai beichaipa ta moleina atheihna châta Su Pathaih Chaipa lâ a thisaih â ngiakheipa sahroh pôhpazy cha, riehmo khôtho lâta rao tyhpa a châ.