THEIHTHAINA 4:20 - Mara Bible RV (BSI)

²⁰ Cha hawhna chata viahchao tôhpa cha hlâ aw ta, theihthaipa châta moleina hlâna viahchao tôhpa taozie hawhta a tao aw. Cha hawhna chata theihthaipa ta zawpi châta chatlaina tao aw ta, a ngiahthaipa ama châ aw.

THEIHTHAINA 4:20 ပူးပေါင်းရင်းမြစ်များ

PUASAINA 32:30

A mylâ ta Mawsi ta zawpi hnohta, “Moleina lai ngaitapa nama tao haw. Tahmâ he Abeipa lâ khy aw na ta, nama moleina chatlaina ei tao thei aw tly ma,” tah ta.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 1:4

Raopa hlâna luh chô liata a ku pahnieh aw ta, chatanachata ano chatlaina châta raopa hlâna cha ano vyuhpa ta a pyhpa a châ aw.

THEIHTHAINA 12:8

Mietakutaw a hnei thei leipa khiahta cha, vachhuh pô no tlyma, pivaw taw pô no tlyma cheih aw ta, pô kha cha raopa hlâna châta châ aw ta, ahropa cha moleina hlâna châta a châ aw. Theihthaipa ta chatlaina taopa aw ta, chatanachata a pathaih aw,” tah ta.

THEIHTHAINA 14:18

Chatawhcha theihthaipa ta a ku liata sathaw laibâhpazy cha a pathaisa awpa luh liata hnia aw ta, Abeipa hmiakô liata chatlaina a taopa aw.

THEIHTHAINA 15:15

Theihthaipa ta moleina hlâna châta pô kha, raopa hlâna châta pô kha hlâ aw ta, a hniah lopa châta Abeipa hmiakô liata chatlaina a taopa aw.

THEIHTHAINA 19:22

Chapaw moleina chatlai nawpa ta, theihthaipa ta thaileichâna hlâna mietaku tôhpa hlâ aw ta, Abeipa hmiakô liata chatlaina a taopa aw. Chatanachata a moleina cha a ngiahthaipa a châ aw.

THEIHTHAINA 4:21

Viahchao tôhpa cha riehmo khôtho lâ phaoh aw ta, viahchao tôhpa hmiatuapa a raopa hawhna khata a rao aw. Cha cha zawpi châta moleina hlâna a châ.

THEIHTHAINA 4:26

A thaw zydua cha, aryhna hlâna châta atheihna thaw hawhta maisâh liata rao aw ta, theihthaipa ta a moleina châta chatlaina taopa aw ta, chatanachata a ngiahthaipa a châ aw.

THEIHTHAINA 4:35

A thaw zydua cha, aryhna hlâna châta atheihna mietakutaw thaw lapa hawhta la aw ta, theihthaipa ta maisâh liata Abeipa lâta mei ta hmohlâpa chô liata rao aw ta, moleina hmo a taopa ty thô nawpa ta, theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 4:8

Moleina hlâna viahchao tôhpa thaw zydua la aw ta, a rihhrizy, a chhôrih thawzy,

THEIHTHAINA 5:10

Ahropa cha raopa hlâna châta hlâ aw ta, raopa hlâna taozie hawhta hlâ awpa a châ. Theihthaipa ta a moleina chatlaina taopa aw ta, chatanachata a ngiahthaipa a châ aw.

THEIHTHAINA 5:13

Cha hmozy hry liata kheihawhpa tlyma a parao hapa kyh liata, theihthaipa ta chatlaina taopa aw ta, chatanachata a ngiahthaipa a châ aw. A laibâhpazy cha, niepa hlâna taozie hawhta, theihthaipa châta a châ aw,” tah ta.

THEIHTHAINA 5:16

Hmo pathaihpa chô liata â doleipa ta a taopa cha thô aw ta, su pangawh su kha baichha aw ta, theihthaipa a pie aw. Theihthaipa ta thaileichâna hlâna mietaku tôhpa ta chatlaina taopa aw ta, chatanachata a ngiahthaipa a châ aw.

THEIHTHAINA 5:18

Mietaku zaw hry tawhta mietaku tôhpa seina hnei leipa cha, a mâ dopa chhaota, thaileichâna hlâna châta theihthaipa lâ cheih aw ta, pahno leipa ta a tao pathleipa kyh liata theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 5:6

a moleina chatlai nawpa ta mietaku zaw hry tawhta mietakutaw chanôpa tlyma, mie chanôpa tlyma, moleina hlâna châta Abeipa lâ hlâ aw ta, theihthaipa ta a moleina chatlaina a taopa aw.

THEIHTHAINA 6:7

Theihthaipa ta Abeipa hmiakô liata chatlaina taopa aw ta, chatanachata a hmotaopa vâta a thaileichâna cha a ngiahthaipa a châ aw,” tah ta.

MALUHREINA 15:25

Chatawhcha theihthaipa ta Izarei zawpi zydua châta chatlaina tao aw ta, tao pathleipa châ ta, ama tao pathleipa châta Abeipa lâta mei ta hmohlâpa hlâ ei ta, Abeipa hmiakô liata moleina hlâna ama hlâ hapa vâta, a ngiahthaipa ama châ aw.

MALUHREINA 15:28

Pahno leina vâta a molei pathleipa châna chata, theihthaipa ta Abeipa hmiakô liata chatlaina taopa aw ta, a ngiahthaipa a châ aw.

RAWMA 5:11

Cha dei châ vei, tahmâ aryhna miah a pahmôsatuhpa eima Beipa Zisu Krista vâta Khazohpa liata eimâ ly.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,