THEIHTHAINA 4:12 - Mara Bible RV (BSI)

¹² a pôhpa duata riehmo khôtho lâta buchâh thyna su sithaipa lâ siekhei aw ta, tho ta a rao aw. Viahchao tôhpa sa cha buchâh thyna liata rao awpa a châ.

THEIHTHAINA 4:12 ပူးပေါင်းရင်းမြစ်များ

PUASAINA 29:14

Viahchao tôhpa sa, a vo nata a iezy deikua cha, riehmo khôtho liata na rao awpa a châ. Cha cha moleina hlâna a châ.

EZEKIA 43:21

Moleina hlâna viahchao tôhpa la aw chi ta, su pathaihpa khôtho lâta Achhyna o râh su raopa liata rao awpa a châ.

THEIHTHAINA 13:46

Hri a oh chhôh zydua pathaih leipa a châ. A pathaih leipa vâta, ânano ta y aw ta, a y nawpa su cha riehmo khôtho lâ a châ aw.

THEIHTHAINA 16:27

Chatlaina tao nawpa ta Su Pathaihpa liata ama thisaih a ngiakheipa moleina hlâna viahchao tôhpa nata moleina hlâna mie cha, riehmo khôtho lâ puakhei awpa châ ta, ama vozy, ama sapazy nata ama iezy mei ta rao awpa a châ.

THEIHTHAINA 4:21

Viahchao tôhpa cha riehmo khôtho lâ phaoh aw ta, viahchao tôhpa hmiatuapa a raopa hawhna khata a rao aw. Cha cha zawpi châta moleina hlâna a châ.

THEIHTHAINA 6:23

Theihthaipa ta niepa hlâna châta a hlâpa zydua cha rao khai awpa a châ. Nie cheita awpa châ vei,” tah ta.

THEIHTHAINA 6:30

Su Pathaihpa liata chatlaina tao nawpa ta, ahmaohna poh o liata a thisaih ama vaw cheipa sa, moleina hlâna châta atheihna sa deikua cha, nie awpa châ vei. Mei ta rao awpa a châ.

THEIHTHAINA 6:4

hetana heta tao awpa a châ: Molei ha tlai sala, thailei a châ khiahta cha, parupa ta a lapa hmozy, tlybaipa ta a lapa hmozy, a ku liata sôh pavaosapazy, chyhsa hmo pahleipa â huapazy cha a thô khai awpa a châ.

THEIHTHAINA 8:17

Abeipa ta Mawsi hnohta bie a piepa hawhta, viahchao tôhpa vo, a sapa nata a ie deikua cha, riehmo khôtho liata rao khaipa a châ.

THEIHTHAINA 9:11

A sapa nata a vo deikua cha, riehmo khôtho liata mei ta rao ta.

MALUHREINA 15:35

Abeipa ta Mawsi hnohta, “Cha chyhsa cha thie awpa a châ. Zawpi zydua ta riehmo khôtho liata alô ta ama vawhsao awpa a châ,” tah ta.

MALUHREINA 19:3

Viahchao zeinô cha theihthaipa Eliaza pie aw chi ta, riehmo khôtho lâ a chhipa châ aw ta, theihthaipa hmiakô liata thie awpa a châ.

MALUHREINA 19:5

Cha khai tawhta viahchao zeinô cha a mohmô liata rao awpa châ ta, a vo, a sapa, a thisaih nata a ie zy rao khai ha awpa a châ.

MALUHREINA 5:3

Ama hry liata ei pahrâna ama riehmo ama papuapalei lei nawpa ta, chapaw chhao, chanô chhao, riehmo tawhta papua khai awpa a châ,” tah ta.

HEBRAI 13:11

Theihthai beichaipa ta moleina atheihna châta Su Pathaih Chaipa lâ a thisaih â ngiakheipa sahroh pôhpazy cha, riehmo khôtho lâta rao tyhpa a châ.