THEIHTHAINA 3:9 - Mara Bible RV (BSI)

⁹ Cha hawhna chata aryhna hlâna atheihna châta mei ta hmohlâpa cha Abeipa lâ a hlâ aw. Abeipa lâta a thawzy a hlâ aw. A lahmei thawhpa a ky ru tlôna taihta lapazy, a rihhrizy, a chhôrih liata thawzy,

THEIHTHAINA 3:9 ပူးပေါင်းရင်းမြစ်များ

2 SAMUELA 6:17

Abeipa Byh cha a ngiakhei ei ta, a so nawpa ta Dâvi ta a paraipa poh o chhôh liata a su raopa liata soh ei ta. Dâvi ta raopa hlânazy nata aryhna hlânazy Abeipa hmiakô liata hlâ ta.

1 ABEIZY 3:15

Sawlawmaw cha a vaw hra ta, a mâ vaw châ ta. Chatawhcha Zerusale lâ vawh ta, Abeipa Biehrai Byh hmiakô liata a duah ta, raopa hlânazy nata aryhna hlânazy hlâ ta, a chakaotuhpa zydua châta kyhchhi a taopa ei.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 ABEIZY 8:64

Cha noh lilaw liata, Abeipa o laihmia lâta dôhpachhôh tlyhmia liah chaipa cha, Bei Sawlawmaw ta Abeipa hmiakô liata pathaisa ta. Cha liata raopa hlâna, niepa hlâna nata aryhna hlâna thawzy hlâ ta. Abeipa hmiakô liata dawh maisâh cha raopa hlâna, niepa hlâna nata aryhna hlâna thaw hlâ nawpazy châta a chyh tu hapa vâta, dôhpachhôh tlyhmia liata hlâpa a châ.

1 THÂTIHZYRONA 16:1

Khazohpa Byh cha a ngiakhei ei ta, a so nawpa ta Dâvi ta a paraipa poh o chhôh liata soh ei ta, raopa hlânazy nata aryhna hlânazy Khazohpa hmiakô liata hlâ ei ta.

PUASAINA 29:22

“Cha cha chahnaona mietaku tôhpa châ ta, a thawzy, a lahmei thawhpazy, a rihhri thawzy, a pathi a pahlypa thawzy, a lôpo miano nata a pahlypa thawzy nata a byh chachâh lâ la aw chi ta,

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

THEIHTHAINA 17:5

Izarei sawzy ta lyurâhpa liata atheihna ama hlâ tyhpazy kha, Abeipa lâta hlâ awpa ta, ahmaohna poh o chhikao liata theihthaipa lâta cheipa ta, aryhna hlâna atheihna châta Abeipa lâta ama hlâ thei nawpa ta, he ryhpa he taopa a châ.

THEIHTHAINA 7:3

A thaw zydua hlâ khai awpa châ ta, a lahmei thawhpazy, a rihhrizy,

THEIHTHAINA 8:25

Chatawhcha mietaku tôhpa thaw, a lahmei thawhpa, a rihhri thaw, a pathi a pahlypa thaw, a lôpo miano nata a thawzy nata a phei chachâh lâ la ta.

THEIHTHAINA 9:19

Viahchao tôhpa thaw nata mietaku tôhpa thaw, a lahmei thawhpa, a rihhri, a lôpo nata a pathi a pahlypa thawzy vaw pie ei ta.

MALUHREINA 7:88

Aryhna hlâna atheihna châta hmohlâpa cha a zydua ta viahchao tôhpa pô kih nata pô palih, mietaku tôhpa sycharu, mie tôhpa sycharu nata mietakutaw chapawpa kô khapa sycharu a châ. Chazy cha maisâh sathawthupa a châ khai tawhta maisâh hlâna hmopiepazy a châ.

1 SAMUELA 10:8

Ei hmia lâta siepa ta Kilkal lâ zu aw chi ta, kei chhao raopa hlânazy nata aryhna hlâna atheihnazy hlâ awpa ta nâma lâ ei zu aw. Nâma lâ a zu aw na ta, na tao awpa ei cha chho hlâlei cha, noh sari na vaw y awpa a châ,” tah ta.