THEIHTHAINA 3:6 - Mara Bible RV (BSI)

⁶ Chyhsa ta aryhna hlâna atheihna châta Abeipa lâta a hlâpa cha, mietaku zaw tawhta a châ khiahta cha, a chapawpa tlyma, a chanôpa tlyma hlâ thei ta, seina hnei leipa a hlâ awpa a châ.

THEIHTHAINA 3:6 ပူးပေါင်းရင်းမြစ်များ

ISAI 60:7

Kedâ mietaku zawzy nâ lâ a vaw hmaoh aw ei ta, Nebaiô mietaku tôhpazy ­ta ama cha chakao aw. Ei maisâh liata hlâ awpa châta a pyh tlâhpa châ aw ei ta, Ei o rônahpa cha ei parônahsa via rili aw.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:2

“Izarei sawzy chho la, ama hnohta hetana heta reih teh: Nama hry liata ahy rai ta Abeipa lâta hmo nama hlâ tita, viahchao hri nata mietaku zaw tawhta sahroh nama hlâ awpa a châ.

THEIHTHAINA 19:5

“Abeipa lâta aryhna hlâna atheihna namâ hlâ tita, a pyhpa nama châ thei nawpa ta nama hlâ awpa a châ.

THEIHTHAINA 22:20

Seina a hneipa rai nama hlâ awpa châ vei. Cha hawhpa cha nama châta a pyh tlâh châ aw vei.

THEIHTHAINA 23:19

Moleina hlâna châta mie tôhpa pô kha nata aryhna hlâna atheihna châta mietakutaw chapawpa kô khapa pô no nama hlâ aw.

MALUHREINA 15:5

Raopa hlâta ta tlyma, atheihna châta tlyma hlâ awpa mietakutaw pô kha liata, dopa hlâna châta kresawhti ôh kha lymâ na hlâ awpa a châ.

MALUHREINA 6:14

Abeipa lâta a hmohlâpa a hlâ aw. Raopa hlâna châta mietakutaw chapawpa kô khapa seina hnei leipa pô kha, moleina hlâna châta mietakutaw chanôpa kô khapa seina hnei leipa pô kha, aryhna hlâna châta mietaku tôhpa seina hnei leipa pô kha a hlâ aw.

HMOTAOPAZY 4:27

He khihpi liana heta, châ chakaotuhpa pathaihpa, na sathawthupa Zisu kyh vâta, Herawda nata Pawtia Pilâ nata Zenitaizy nata Izarei chiphozy amâ hmaohpakhy.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KALATIA 4:4

Châhrasala a daihti â vaw ki nahta, Khazohpa ta chanô sapa a Sawchapawpa, ryhpa ry liata a pihpa cha za tuah ta.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.