THEIHTHAINA 3:17 - Mara Bible RV (BSI)

¹⁷ “Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

THEIHTHAINA 3:17 ပူးပေါင်းရင်းမြစ်များ

ÂTHAONA 9:4

Sa deikua cha, a thisaih chhaota nama nie awpa châ vei, thisaih cha hrona a châpa vâta.

2 THÂTIHZYRONA 29:35

Raopa hlâna hluh ngaitapazy hleikhô ta, aryhna hlâna thawzy nata raopa hlâna to châta dopa hlânazy chhao a hluh ngaita hra. Cha hawhna chata Abeipa o liata chakaona rai cha paduapathipa a châ.

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 28:43

Cha chysiazy cha Arawna nata a sawchapawzy ta ahmaohna poh o liata amâ ngia tita nata su pathaihpa liata chakao awpa ta maisâh amâ hnia tita, amâ ky tyh aw. Chataleipatala thailei châ aw ei ta, ama thi pathlei aw. Cha cha Arawna nata a pathlazy châta chhâzaw bieraopa a châ aw.

EZEKIA 33:25

Chavâta ama hnohta reih teh, Abeipa Zehôvâh ta hetana heta a tah: A thisaih chhaota sa nie ei chi ta, nama khazoh nothlahpazy lâ nama mozy uahnaohpa ta, thisaih nama palo tyh. Kheihta ma ei râh cha nama hnei thei aw?

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

EZEKIA 44:7

Chihropa, pathipalôh nata sapa chopawtaileipazy ei supathaihpa liata pangiasapa ta, ei nie awpa thaw nata thisaih eina hlâpa lia ei chi ta, ei Achhyna o nama papuapalei. Pasichhihpa hmo zydua nama taopa thota, ei biehrai nama parao pâ heih.

THEIHTHAINA 10:15

A phei chalo awpa nata a palôh chaluah awpazy cha, chaluahpa hlâna châta Abeipa hmiakô liata chaluahpa a châ thei nawpa ta, mei ta hlâ awpa a thawzy chhaota ama vaw cheih aw. Abeipa biepiepa hawhta, cha cha nâ nata na sawchapawzy châta chhâzaw ta nama tovyuh a châ aw,” tah ta.

THEIHTHAINA 10:9

“Nâ tlyma, na hnohta a ypa na sawchapawzy tlyma, ahmaohna poh o chhôh lâ namâ ngia tita, kresawhti tlyma, sahma thatlôpa tlyma nama doh awpa châ vei. Chataleipatala nama thi pathlei aw. Cha cha nama chhâ zydua châta chhâzaw ryhpa a châ aw.

THEIHTHAINA 16:29

“He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 16:34

Izarei sawzy moleina zydua vâta ama châta kô kha ta ei kha chatlaina tao tyh awpa cha, nama châta chhâzaw bieraopa a châ aw,” tah ta. Chatanachata Abeipa ta Mawsi bie a piepa hawhta Arawna ta tao ta.

THEIHTHAINA 17:7

Amâ phei tyhna mie tôhpa khazohzy lâta atheihnazy ama hlâ awpa châ khao vei. Cha cha ama chhâ zydua châta chhâzaw bieraopa a châ aw.

THEIHTHAINA 19:26

“A thisaih chhaota khâpa hmah nama nie awpa châ vei. Dyuzy nama tao awpa châ leipa ta, pachaopazy nama hmâ awpa châ vei.

THEIHTHAINA 23:14

Nama Khazohpa lâta nama hlâna noh a tlô hlâlei cha, chi thiehpa viahchhâ tlyma, raopa tlyma, a suh tlyma, nama nie awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 23:21

Cha noh lia tlai ta nama châta pakhypi pathaihpa phuah aw ei chi ta, rai rupa khâpa hmah nama hria awpa châ vei. Cha cha nama chhâ zydua châta nama pahrâna zydua liata chhâzaw bieraopa a châ aw.

THEIHTHAINA 24:3

Ahmaohna poh o liata Biehrai Byh pohraipa khôtho liata, meiôh cha zâlâ tawhta my taihta Abeipa hmiakô liata pakhaih tyh awpa ta, Arawna ta soh tyh mawh sy. Cha cha nama chhâ vaw y lymâ awpazy châta chhâzaw bieraopa a châ aw.

THEIHTHAINA 24:9

Cha cha Arawna nata a sawchapawzy tovyuh châ aw ta, Abeipa lâta mei ta hmohlâpazy tawhta chhâzaw châta ama tovyuh pathaihpa a châpa vâta, su pathaihpa liata ama nie awpa a châ,” tah ta.

THEIHTHAINA 3:16

Chazy cha theihthaipa ta maisâh liata a rao aw. Cha cha ropahâhpa châta mei ta hmohlâpa niepa hlâna a châ. A thaw zydua Abeipa eih a châ.

THEIHTHAINA 4:1

Abeipa ta Mawsi chho ta, a hnohta,

THEIHTHAINA 6:15

Hlâtuhpa ta niepa hlâna liatapa viahdie dipa pazah kha nata sathaw nata niepa hlâna chô liata deiryh zydua la aw ta, cha cha atheithlâhna hmo châta maisâh liata a rao aw. Cha cha Abeipa châta ropahâh ngaitapa a châ.

THEIHTHAINA 6:18

Arawna pathla chapaw zydua ta nie aw ei ta, cha cha Abeipa lâta raopa hmohlâpa tawhta nama pathla zydua ta chhâzaw châta ama tovyuh a châ aw. Cha niepa hlânazy a hriapa maih cha ama pathaih aw,” tah ta.

THEIHTHAINA 6:22

Arawna sawchapawzy hry tawhta ano a thla awpa sathawthupa theihthaipa ta niepa hlâna cha a hlâ aw. Cha cha Abeipa tovyuh châ zôzaw aw ta, a zydua ta rao khai awpa a châ.

THEIHTHAINA 7:23

“Izarei sawzy chho la, ama hnohta hetana heta reih teh: Viahchao thaw tlyma, mietaku thaw tlyma, mie thaw tlyma nama nie awpa châ vei.

THEIHTHAINA 7:34

Izarei sawzy aryhna hlâna atheihna sazy tawhta a palôh chaluahpazy nata a phei chalopazy la na ta, theihthaipa Arawna nata a sawchapawzy hnohta ei pie. Cha cha Izarei sawzy tawhta chhâzaw ta ama tovyuh a châ aw,” tah ta.

THEIHTHAINA 7:36

Cha cha Izarei sawzy ta theihthaipazy ama pie tyh awpa ta Abeipa ta biepie ta, sathawthupa ama châ noh tawhta ama chhâ zydua liata chhâzaw ta ama tovyuh a châ aw.

MALUHREINA 19:21

He he ama châta chhâzaw bieraopa a châ aw: Apathaina ti a thiatuhpa maih a chysiazy pasu aw ta, apathaina ti a hriapa cha zâlâ taih pathaih leipa a châ aw.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

HMOTAOPAZY 15:29

Nothlahpa lâ atheihna sa niepa, sa thisaih niepa, paaosaopa niepa nata apheina zy nama bâhsai awpa a phapa ta eima pahno. Chazy cha nama bâhsai khiahta cha, nama châta a pha aw. Atlâhpa ta.”

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

RYHPACHANEINA 12:16

Thisaih deikua nama nie awpa châ vei. Ti hawhta alei liata nama patlai awpa a châ.

RYHPACHANEINA 12:23

Thisaih deikua cha a nie rai ta nama nie awpa châ vei. Thisaih cha hrona châ ta, hrona cha sa nata nama nie pâ awpa châ vei.

RYHPACHANEINA 12:24

Thisaih nama nie awpa châ vei. Thisaih cha ti hawhta alei liata nama patlai awpa a châ.

RYHPACHANEINA 15:23

A thisaih deikua nama nie awpa châ vei. Ti hawhta alei liata nama patlai awpa a châ.

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

1 TIMAWTHY 4:4

Khazohpa hmotaopa to cha pha ta, alyna bie reina chôta daopa a châ khiahta cha, khâpa hmah dytha awpa châ vei.