THEIHTHAINA 3:16 - Mara Bible RV (BSI)

¹⁶ Chazy cha theihthaipa ta maisâh liata a rao aw. Cha cha ropahâhpa châta mei ta hmohlâpa niepa hlâna a châ. A thaw zydua Abeipa eih a châ.

THEIHTHAINA 3:16 ပူးပေါင်းရင်းမြစ်များ

ÂTHAONA 4:4

Abela chhao ta a sahroh a pataw tua chaipazy nata a thawzy hlâ hra ta. Abeipa cha Abela nata a hmohlâpa liata a ly ngaita ta,

2 THÂTIHZYRONA 29:35

Raopa hlâna hluh ngaitapazy hleikhô ta, aryhna hlâna thawzy nata raopa hlâna to châta dopa hlânazy chhao a hluh ngaita hra. Cha hawhna chata Abeipa o liata chakaona rai cha paduapathipa a châ.

2 THÂTIHZYRONA 7:7

Sawlawmaw ta Abeipa o laihmia lâta dôhpachhôh tlyhmia liah chaipa cha pathaisa ta. Cha liata raopa hlâna nata aryhna hlâna thaw zy hlâ ta. Sawlawmaw taopa dawh maisâh cha raopa hlâna, niepa hlâna nata sa thaw zy hlâ nawpa châta a chyh tupa vâta, tlyhmia liah liata a hlâpa a châ.

PUASAINA 29:13

A rihhri thaw zydua la aw chi ta, a pathi a pahlypa thaw nata a lôpo miano nata a thaw a pahlypazy chhaota maisâh liata na rao khai aw.

PUASAINA 29:22

“Cha cha chahnaona mietaku tôhpa châ ta, a thawzy, a lahmei thawhpazy, a rihhri thawzy, a pathi a pahlypa thawzy, a lôpo miano nata a pahlypa thawzy nata a byh chachâh lâ la aw chi ta,

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

THEIHTHAINA 17:6

Theihthaipa ta ahmaohna poh o chhikao liata Abeipa maisâh chô liata thisaih thia aw ta, a thaw cha Abeipa châta ropahâhpa châta a rao aw.

THEIHTHAINA 4:26

A thaw zydua cha, aryhna hlâna châta atheihna thaw hawhta maisâh liata rao aw ta, theihthaipa ta a moleina châta chatlaina taopa aw ta, chatanachata a ngiahthaipa a châ aw.

THEIHTHAINA 4:31

A thaw zydua cha, aryhna hlâna châta atheihna thaw lapa hawhta la khai aw ta, theihthaipa ta Abeipa châta ropahâhpa châta maisâh liata a rao aw. Theihthaipa ta chatlaina taopa aw ta, chatanachata a ngiahthaipa a châ aw.

THEIHTHAINA 8:25

Chatawhcha mietaku tôhpa thaw, a lahmei thawhpa, a rihhri thaw, a pathi a pahlypa thaw, a lôpo miano nata a thawzy nata a phei chachâh lâ la ta.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

MATHAI 22:37

Zisu ta a hnohta, “Abeipa na Khazohpa cha na pathipalôh tlokhuh ta, na thlahpa tlokhuh ta nata na pachâna tlokhuh ta kyh na pachâ awpa a châ.