THEIHTHAINA 3:1 - Mara Bible RV (BSI)

¹ “Chyhsa hmohlâpa cha aryhna hlâna châta atheihna châ sala, viahchao hri tawhta a hlâ khiahta cha, a chapawpa tlyma, a chanôpa tlyma hlâ thei ta, Abeipa hmiakô liata seina hnei leipa a hlâ awpa a châ.

THEIHTHAINA 3:1 ပူးပေါင်းရင်းမြစ်များ

1 THÂTIHZYRONA 21:26

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Abeipa pado ta, Abeipa ta avâ tawhta mei ta a zâ chhy ta, raopa hlâna chô liata mei za tla ta.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 24:5

Izarei sawzy hry ta satliazy tuah ta, âmo ta Abeipa lâ raopa hlâna hlâ ei ta, aryhna hlâna châta viahchao tôhpa ta a theih ei ta.

PUASAINA 29:28

A phei cha Arawna nata a sawchapawzy ta Izarei sawzy tawhta chhâzaw ta ama to awpa a châ. Cha cha chalopa hlâna a châ. Aryhna hlâna atheihnazy tawhta Izarei sawzy ta ama hlâ awpa chalopa hlâna châ ta, Abeipa lâta ama hmohlâpa a châ aw.

BIESOZY 7:14

“Aryhna hlâna atheihnazy ei hlâ awpa châ ta, Tanoh kha ei bietai ei patlô haw.

EZEKIA 43:27

Cha noh raopazy cha ama paki tawhta, a noh chariena noh tawhta, theihthaipazy ta nama raopa hlânazy nata aryhna hlânazy maisâh liata hlâ aw ei ta, chatanachata ei châ pyh aw ei, Abeipa Zehôvâh ta a tah,” tah ta.

EZEKIA 45:15

Izarei sawzy châta chatlaina tao awpa ta, ti yna Izarei sibiepa suzy liata a tlaihpa mietaku zaw tawhta, mietaku za no liata pô kha lymâ la aw ei chi ta, chazy cha niepa hlâna, raopa hlâna nata aryhna hlânazy châta nama hlâ aw, Abeipa Zehôvâh ta a tah.

THEIHTHAINA 1:10

“Raopa hlâna châta a hlâ awpa cha mietaku zaw hry liata mietaku tlyma, mie tlyma a châ khiahta cha, a chapawpa seina hnei leipa a hlâ awpa a châ.

THEIHTHAINA 1:3

“A hmohlâpa cha viahchao hri tawhta raopa hlâna a châ khiahta cha, a chapawpa seina hnei leipa a hlâ awpa a châ. A hmohlâpa cha Abeipa hmiakô liata a pyhpa a châ thei nawpa ta, ahmaohna poh o chhikao thaby liata a hlâ awpa a châ.

THEIHTHAINA 17:5

Izarei sawzy ta lyurâhpa liata atheihna ama hlâ tyhpazy kha, Abeipa lâta hlâ awpa ta, ahmaohna poh o chhikao liata theihthaipa lâta cheipa ta, aryhna hlâna atheihna châta Abeipa lâta ama hlâ thei nawpa ta, he ryhpa he taopa a châ.

THEIHTHAINA 3:6

Chyhsa ta aryhna hlâna atheihna châta Abeipa lâta a hlâpa cha, mietaku zaw tawhta a châ khiahta cha, a chapawpa tlyma, a chanôpa tlyma hlâ thei ta, seina hnei leipa a hlâ awpa a châ.

THEIHTHAINA 9:18

Chatawhcha zawpi châta aryhna hlâna atheihna viahchao tôhpa nata mietaku tôhpa thie ta. Arawna sawchapawzy ta a thisaih vaw pie ei ta, maisâh kâ zydua liata thia ta.

THEIHTHAINA 9:4

Abeipa hmiakô liata aryhna hlâna atheihna châta viahchao tôhpa nata mietaku tôhpa cheih hra u la, sathaw pahlaopa niepa hlâna chhao cheih u la, Abeipa lâ hlâ teh u. Tanoh he nama hnohta Abeipa â vaw luah aw,’ tah mah y,” tah ta.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

MALAKHAI 1:8

Atheihna châta sahroh mochaopa nama hlâ khiahta cha, moleina châ vei ma? Asypa nata apasapa nama hlâ khiahta cha, moleina châ hra vei ma? Cha hawhpazy cha nama râh ryureituhpa hnohta pie tua rai u, nama chô liata â ly aw ma? A châ pyh aw ei ma?” Pheisaihzy Abeipa ta a tah.

MALUHREINA 15:8

Raopa hlâna châta tlyma, bietai patlô nawpa ta atheihna châta tlyma, aryhna hlâna châta tlyma, Abeipa lâta viahchao tôhpa na hlâ khiahta cha,

MALUHREINA 6:14

Abeipa lâta a hmohlâpa a hlâ aw. Raopa hlâna châta mietakutaw chapawpa kô khapa seina hnei leipa pô kha, moleina hlâna châta mietakutaw chanôpa kô khapa seina hnei leipa pô kha, aryhna hlâna châta mietaku tôhpa seina hnei leipa pô kha a hlâ aw.

MALUHREINA 7:17

aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh a châ. Chazy cha Aminadâ sawchapawpa Nasô hmohlâpazy a châ.

MALUHREINA 7:59

aryhna hlâna atheihna châta viahchao tôhpa pô no, mietaku tôhpa pô pangawh, mie tôhpa pô pangawh nata mietakutaw chapawpa kô khapa pô pangawh zy a châ. Chazy cha Pedazu sawchapawpa Kâmalia hmohlâpazy a châ.

RYHPACHANEINA 12:27

Nama raopa hlânazy cha Abeipa nama Khazohpa maisâh liata a sapa nata a thisaih nama hlâ aw. Namâ theihna thisaih cha Abeipa nama Khazohpa maisâh liata patlai aw chi ta, a sa deikua cha nama nie thei aw.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

RYUREITUHPAZY 20:26

Chatawhcha Izarei pheisaih zydua cha Bethel lâ khy ei ta, cha ei ta. Cha liata Abeipa hmiakô ta a tyuh ei ta, cha noh liana cha zâlâ taihta kâhvileipa ta ypa ta, raopa hlâna nata aryhna hlânazy Abeipa lâ hlâ ei ta.

RYUREITUHPAZY 21:4

A mylâ ta Izarei phopi cha mydi ta thyu ei ta, cha liata maisâh tao ei ta, raopa hlânazy nata aryhna hlânazy hlâ ei ta.