THEIHTHAINA 27:30 - Mara Bible RV (BSI)

³⁰ “Râh tawhta a puapa su hrawh su kha zydua, alei tawhta sâh nata tho theilâpa zydua Abeipa eih châ khai ta, Abeipa châta pathaihpa a châ.

THEIHTHAINA 27:30 ပူးပေါင်းရင်းမြစ်များ

ÂTHAONA 14:20

Na chariahpa na ku liata châ pietuhpa Khazohpa Chônôchaipa cha, Reithaipa ta y mawh sy,” tah ta. Abarâ ta Melkizade cha ato tawhta su hrawh su kha pie ta.

ÂTHAONA 28:22

he alô, lôbô ta ei bôpa he Khazohpa o a châ aw. Chatanachata nâ ta eina piepa chi zydua tawhta su hrawh su kha â kipa ta ei cha pie lymâ aw,” tahpa ta bie a taih ta.

ÂTHAONA 47:24

Sâh hria daihti liata, Phiraoh châta su pangawh su kha lymâ pie aw ei chi ta, su palih nâmo eih a châ aw. Cha cha lyu liata cheih heih awpa châta zy, nâmo nata nama chhôhkhazy nie awpa châta zy, nama hawtizy nie awpa châta zy a châ aw,” tah ta.

ÂTHAONA 47:26

Phiraoh ta su pangawh liata su kha a hmô lymâ awpa kyh cha, Zawsi ta Izi râh ryhpa châta tao ta, cha cha tanoh taihta hmâpa châ ta, theihthaipazy râh deita Phiraoh râh lâta a lie leipa a châ.

2 THÂTIHZYRONA 31:12

Thyunazy, su hrawh su khazy nata hmohlâpa pathaihpazy ngâchhih ngaitapa ta vaw pangia lymâ ei ta. Cha thyunazy mohôhtuhpa hyutuhpa cha Livai pathla Kônaniah châ ta, a unawhpa Simei cha a pazipa a châ.

NEHEMIAH 12:44

Cha daihti liata, hmo sona chhôhpadâhpazy, thyunazy, thei hmiatuapazy nata su hrawh su khazy mohôhtuhpazy raopa châ ei ta. Âmo cha ryhpa ta â hnawpa hawhta, khih to lyuzy tawhta theihthaipazy nata Livai pathlazy tovyuh ama piepazy pahmaoh ta a mohôh awpazy ama châ. Zudâh mo cha theihthaipazy nata Livai pathlazy chakaona liata amâ ly ngaitapa vâta, theihthaipazy nata Livai pathlazy tovyuh ama pie tyh.

NEHEMIAH 13:12

Zudâh mo zydua ta sâh su hrawh su kha, kresawhti nata sathaw thyuna sôh sona liata vaw soh ei ta.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

THEIHTHAINA 27:29

Pahleipadia awpa ta hlâ hapa chyhsa cha chatlai awpa châ vei. Thie thlyu awpa a châ.

THEIHTHAINA 27:31

Chyhsa ta a su hrawh su kha hry liata a kheihawhpa rai a chatlai khiahta cha, a mâ su pangawh su kha a baichha awpa a châ.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

LUKA 18:12

Hâta chareih ta ei no kâhvileipa ta y tyh na ta, ei hmôpa zydua tawhta su hrawh su kha ei pie lymâ,’ tah ta.

RYHPACHANEINA 18:8

A paw ryu a zuapa tawhta sôh a hmôpa thota, theihthaipazy tovyuh awpazy a to pâ aw.

RYHPACHANEINA 26:12

“Kô thôhna kô, su hrawh su kha piena kô liata, kô veihpa zydua tawhta su hrawh su kha soh aw ei chi ta, nama yna khih liata Livai chi a ypazy, mapaihpazy, paw hnei leipazy nata nôhmeizy ta nie ei sala, rihbiepa ta ama y thei nawpa ta nama pie aw.