THEIHTHAINA 27:28 - Mara Bible RV (BSI)

²⁸ “Chyhsa ta a hmohneipa Abeipa lâta a hlâ hapa, chyhsapa tlyma, sahroh tlyma, râh tlyma cha zuah awpa châ leipa ta, chatlai awpa châ hra vei. Hlâ hapa hmo zydua cha, Abeipa châta pathaih ngaitapa a châ khai.

THEIHTHAINA 27:28 ပူးပေါင်းရင်းမြစ်များ

2 THÂTIHZYRONA 31:14

Nochhi chhikao vaituhpa, Livai pathla Imnâ sawchapawpa Kôre cha, Khazohpa lâta lôhthai hmohlâpazy mohôhtuhpa châ ta, Abeipa châta panano eihpazy nata hmohlâpa pathaih chaipazy a pahruatuhpa a châ.

PUASAINA 22:20

“Abeipa lâta châ leipa ta, khazoh hropa lâta atheihna a hlâpa cha, pahleipadia awpa a châ.

EZEKIA 44:29

Niepa hlâna, moleina hlâna nata thaileichâna hlâna zy nie aw ei ta, Izarei liata hmo pathaihpa maih cha âmo eih a châ aw.

EZEKIA 48:14

Râh cha ama zua awpa châ leipa ta, amâ ri awpa châ hra vei. Cha râh pha chaipa cha, Abeipa châta râh pathaihpa a châpa vâta, mohropa hnohta ama pie awpa châ vei.

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 27:21

Lyu cha Zubili kô liata papuapa a châ tita, hlâ hapa lyu hawhta Abeipa châta pathaihpa châ aw ta, theihthaipa eih a châ aw.

THEIHTHAINA 27:27

Sahroh pathaih leipa a châ khiahta cha, a mâ tupa zie ta a chatlai awpa châ ta, a mâ su pangawh su kha a baichha awpa a cha. Chatlaipa a châ vei khiahta cha, a mâ tupa zie ta zuah awpa a châ.

THEIHTHAINA 27:29

Pahleipadia awpa ta hlâ hapa chyhsa cha chatlai awpa châ vei. Thie thlyu awpa a châ.

MALUHREINA 18:14

Izarei râh liata hmohlâpa zydua nâ eih a châ aw.

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

RAWMA 9:3

Ei unawhzy, sapa lâta ei chiheihzy châna heta, kei he chhiesapa ta ypa ta, Krista tawhta chhawh pathlahpa ta y aw sah la ei tah tyh.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

RYHPACHANEINA 25:19

Chavâta Abeipa nama Khazohpa ta ryuto châta hnei awpa ta râh a cha piepa ei liata, nama chheipâh liata nama chariah zydua tawhta Abeipa nama Khazohpa ta a cha pahâsa ti ei ta, Amale mo cha avâ ry liata a thei thlâhpa ama châ khao lei nawpa ta, nama pahleipadia khai ha awpa a châ. Nama my cheita awpa châ vei.

RYHPACHANEINA 7:26

Na o chhôh liata hmo pasichhihpa nâ ngiakhei awpa châ vei. Chataleipatala nâ chhao, cha hmo hawhta pahleipadiapa na châ aw. Cha cha chhiesapa hmo a châpa vâta na pasi kaw awpa châ ta, nâ hao ngaita awpa a châ.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:25

Zawsua ta, “Khazia nôpopa ta miah na paysa? Nâ chhao tanoh he Abeipa ta nôpopa ta a cha paysa aw,” tah ta. Chatanachata Âkhâ cha Izarei saw zydua ta alô ta vawhsao ei ta. A chhôhkhazy chhao vawhsao ei ta, ama vawhsao khai tawhta mei ta rao ei ta.

RYUREITUHPAZY 21:11

He hawhta nama tao aw: chapaw zydua pahleipadia khai aw ei chi ta, chapaw a zialâh hapa chanô zydua chhao nama pahleipadia khai aw,” tahpa ta biepie ei ta.

RYUREITUHPAZY 21:18

Eima sawchanôzy hra lapinô ta pie thei tlôh pi vâ,” tah ei ta. Izarei sawzy ta, “Benzami hnohta lapinô a piepa cha chhiesapa ta y mawh sy,” tahpa ta bie amâ vaw taih hapa châ ta.

RYUREITUHPAZY 21:5

Chatawhcha Izarei sawzy ta, “Kheihawhpa Izarei chi ma Abeipa lâta pakhypi liata a hlao hra vei,” tah ei ta. Mizpâ liata Abeipa lâta pakhypi a hlao hra leipa kyh liata, “Thie thlyu awpa a châ,” tahpa ta bietai rônahpa ama vaw tao hapa kha châ ta.

1 SAMUELA 15:18

Abeipa ta raihria awpa ta cha tuah ta, ‘Sie la moleipa sahlao Amale mo cha tlokhuh kei pahleipadia khai la, ama leidia khai hlâlei nâ dyuh aw ei,’ cha tah ta.

1 SAMUELA 15:3

Chavâta tahmâ sie la, Amale a kei dyuh la, a hneipa zydua kei pahleipadia khai teh. Khâpa hmah na pahlôh awpa châ vei. Chanô nata chapaw, hawti nata hawsaih, viahchao nata mietaku, râraoseihpa nata alâ zy na thie khai awpa a châ,’” tah ta.