THEIHTHAINA 27:26 - Mara Bible RV (BSI)

²⁶ “Sahroh a pataw tuapa deikua cha, Abeipa eih a châ chhielie hapa vâta, chyhsa ta a hlâ awpa châ vei. Viahchao tôhpa tlyma, mietaku tlyma, a pataw tuapa maih cha Abeipa eih a châ.

THEIHTHAINA 27:26 ပူးပေါင်းရင်းမြစ်များ

2 ABEIZY 7:5

Chatanachata Aramia mo riehmo lâ vaw awpa ta azo hrahri ta pua ei ta. Aramia mo riehmo tytuapa ama tlô nahta, ahy hmah vaw y leipa ei ta.

NEHEMIAH 10:36

Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

PUASAINA 13:2

“Sawtuapa zydua kei châta na panano awpa a châ. Izarei sawzy hry liata chhi a pahy tuapa sawchapaw uhtheipa nata sahroh chapawpa a pataw tua chaipa maih kei eih a châ,” tah ta.

PUASAINA 22:30

Cha hawhna chata, na viahchao tôhpazy nata na mietakuzy chhao na tao aw. Noh sari chhôh a panô hnohta y aw ta, a noh chariena noh ta kei lâta na vaw hlâ aw.

THEIHTHAINA 27:27

Sahroh pathaih leipa a châ khiahta cha, a mâ tupa zie ta a chatlai awpa châ ta, a mâ su pangawh su kha a baichha awpa a cha. Chatlaipa a châ vei khiahta cha, a mâ tupa zie ta zuah awpa a châ.

MALUHREINA 18:17

Viahchao a pataw tuapa, mietaku a pataw tuapa nata mie a pataw tuapazy deikua cha, pathaihpa ama châpa vâta na chatlai awpa châ vei. Ama thisaih maisâh liata thia aw chi ta, mei ta hmohlâpa châta ama thawzy mei ta na rao aw. Cha cha Abeipa châta ropahâhpa a châ aw.

MALUHREINA 3:13

Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.

RYHPACHANEINA 15:19

“Nama viahchao hri nata nama mietaku zaw hry liata a chapawpa a pataw tuapa maih cha, Abeipa nama Khazohpa châta nama panano awpa a châ. Nama viahchao hri liata a chapawpa a pataw tua chaipa cha, rai nama pahriasa awpa châ leipa ta, nama mietaku zaw hry liata a chapawpa a pataw tua chaipa hmi chhao nama ngyu awpa châ vei.