THEIHTHAINA 26:9 - Mara Bible RV (BSI)

⁹ Nâmo lâ a vaw heih aw na ta, chi hluhpi cha pathlasapa ta, cha papôh aw ei na ta, nama hnohta ei biehrai ei pa-i aw.

THEIHTHAINA 26:9 ပူးပေါင်းရင်းမြစ်များ

ÂTHAONA 1:28

Khazohpa ta âmo cha byhnâ awpa ta, ama hnohta, “Chi hluhpi pathlapa ta pôh u la, alei he biepa ta, nama rei sai ta paysa u la, tilaipi ngazy chô liata nata avâ pavawzy chô liata nata alei chô liata a pie thaipa hmohrohneipa to chô liata biehnei muh vy,” tah ta.

ÂTHAONA 17:20

Ismela kyh liata chhao, na biereipa ei thei. Pachâ teh, ano chhao byhnâ ei pie haw. Chi hluhpi pathlasa aw na ta, ama maluh thata ei papôh aw. Bei pahrawh hleino pathlatuhpa châ aw ta, phopi rônahpa ta ei tao aw.

ÂTHAONA 22:17

byhnâ cha awpa tlai aw na ta, avâ liata awhsi zie nata tilaipi kiah liata sadi zie ta na pathlazy papôh aw na ta, na pathlazy ta ama chariahpa khihpizy ama hnei aw.

ÂTHAONA 26:4

Avâ liata awhsi zie ta na pathlazy papôhsa aw na ta, he râh zydua he na pathlazy pie aw ei na ta, na chipathla liata khizaw phopi zydua byhnâ topa ta ama y aw,

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 28:3

Khazohpa Atotaotheipa ta byhnâ cha pie sala, phopi hluhpi na vaw châ thei nawpa ta, chi hluhpi cha pathlasa sala, cha papôh mawh sy.

ÂTHAONA 48:4

ei hnohta, ‘Pachâ teh, chi hluhpi cha pathlasa aw na ta, ei cha papôh aw. Phopi hluhpi ta cha tao aw na ta, na hnôhlâ ta na pathla hnohta, he râh he chhâzaw ryuto châta ei pie aw,’ na tah ta.

ÂTHAONA 6:18

Nâma hnohta deikua cha biehrai ei tao aw. Balyh chhôh lâ a ngia aw chi ta, na lapinô, na sawchapawzy nata ama lapinôzy chhao amâ ngia hra aw.

1 ABEIZY 3:8

Châ chakaotuhpa he nâ ta nâ tlyhpa na phopi, phopi rônahpa, zasâh manôh reih tiah leipa nata paki tiah leipazy hry liata ei y.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

NEHEMIAH 2:20

Âmo cha a chhy ei na ta, ama hnohta, “Avâ Khazohpa ta vânoh miah a patosa aw. Keimo ano chakaotuhpazy thyu aw pi ta, khihpi he eima paduapathi aw. Nâmo deikua cha, Zerusale khihpi liana heta tovyuh nata biehneina nata a chhu thei awpa khâpa hmah hnei aw veih ei chi,” tah na ta.

NEHEMIAH 9:23

Ama pathlazy cha avâ awhsi zie ta papôh chi ta, a ngia ta hnei awpa ta ama pathlatuhpazy hnohta na chhopa râh lâ nâ chhi ei.

HLAZY 107:38

Abeipa byhnâ vâta thata pôh ei ta, Ama sahrohzy a chokua awpa pasaih vei.

HLAZY 89:3

“Ei tlyhpa chyhsa hnohta biehrai tao na ta, Nâ chakaotuhpa Dâvi hnohta bie ei taih haw:

PUASAINA 1:7

Izarei sawzy cha chi hluhpi pathlapa ta, thata pôh ei ta. Pôh via rili ei ta, ama thatlô ngaita ta, Izi râh cha âmo sai ta bie thlâh ha ei ta.

PUASAINA 2:25

Khazohpa ta Izarei sawzy cha moh ta, âmo cha pachâ kaw ta.

PUASAINA 6:4

Khichhaipa châpa ta ama vaw pahrâna Kâna râh cha âmo pie awpa ta ama hnohta bie hraih na ta.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 23:4

Âmo a vaih awpa mietaku vaituhpa soh aw na ta, chi khao leipa aw ei ta, ama nôpo khao leipa aw ta, a leipa y khao aw veih ei,” Abeipa ta a tah.

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

EZEKIA 16:62

Na hnohta ei biehrai pa-i aw na ta, Abeipa ei châ tahpa na pahno aw.

EZEKIA 36:9

Pachâ teh u, nama chhâh a châ aw na ta, nâmo lâ ei vaw heih aw. Nama leizy paliepa châ aw ta, chizy nama tu heih aw.

THEIHTHAINA 26:15

ei bieraopazy zyh khoh leipa ta, nama hro ta ei ryureinazy a hao u la, ei biepiepa zydua tao leipa ta, ei biehrai nama parao khiahta deikua cha,

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

RYHPACHANEINA 28:11

Châ pathlatuhpazy hnohta pie awpa ta Abeipa ta bie â vaw taihpa râh liata Abeipa ta byhnâ hluhpi a cha pie aw ei. Nama sawteih nawhteih pha aw ta, nama sahrohzy pôh aw ta, nama chhaohlei a pathei aw.

RYHPACHANEINA 28:4

“Nama chhi theizy, nama chhaohlei theizy, nama sahrohzy, nama viahchaotaw nata nama mietakutawzy byhnâ topa ta y aw ei ta, ama pôh aw.

RYHPACHANEINA 7:13

Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

HEBRAI 8:9

Ama pathlatuhzy Izi râh tawhta a chhi papua awpa ta, Ama ku ta ei patu noh ta, Ama hnohta bie ei hraipa hawhpa kha châ aw vei. Ei biehrai liata ama y thlâh ha leipa vâta, Âmo pachâ khao veih ei na, Abeipa ta a tah.