THEIHTHAINA 26:8 - Mara Bible RV (BSI)

⁸ Papangawh ta za kha a chadai aw ei chi ta, za kha ta thy kha a chadai aw ei chi ta, nama chariahpazy nama hmiakô liata zaozi ta ama pao aw.

THEIHTHAINA 26:8 ပူးပေါင်းရင်းမြစ်များ

1 THÂTIHZYRONA 11:11

He he Dâvi pasaiphazy thâtih a châ: Hâkamôni chyhsa Zasôbia cha pasaipha pathôhzy hry liata hyutuh chaipa châ ta, chyhsa 300 chô liata asei pahieh ta, ei kha ta a thie khai theipa a châ.

1 THÂTIHZYRONA 11:20

Zôabâ unawhpa Abisai cha pasaipha sythôh hry liata hyutuh chaipa châ ta, chyhsa 300 asei pahieh thlu ta, a thie khai hapa a châ. Chavâta pasaipha pathôhzy moh pha tona liata â hlao hra.

ESTHERI 9:16

Abei khinarâh bia hropazy liata a ypa Zuzy chhao ta ama hrona pabohsa awpa ta a hmaohpakhy ei ta, ama chariahpazy tawhta â bohpa ta y ei ta. Âmo a haotuhpa chyhsa 75,000 thie ei ta, hraona sôh deikua hria veih ei.

THEIHTHAINA 26:7

Nama chariahzy a chadai aw ei chi ta, nama hmiakô liata zaozi ta ama pao aw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MALUHREINA 31:4

Izarei chi zydua ta chi kha tawhta sâh kha lymâ ta adyuhna lâ nama pasiesa awpa a châ,” tah ta.

RYHPACHANEINA 28:7

“Châ dyuhtuhpa nama chariahzy Abeipa ta nama hmiakô liata panawhsa aw ta, châ dyuh awpa ta lâpi miakha tawhta a vaw ngia aw ei ta, lâpi miasari lâta amâ râpai aw.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

RYUREITUHPAZY 15:15

Alâ kâh ru thiehpa hmô ta, kei la ta, cha chata chyhsa 1,000 tusao ta.