THEIHTHAINA 26:6 - Mara Bible RV (BSI)

⁶ Râh cha thlalôhpa ta paysa aw na ta, a zia aw ei chi ta, ahy hmahta cha pachisa aw veih ei. Sahrâhpazy râh tawhta to khai aw na ta, zaozi ta nama râh chahryh aw vei.

THEIHTHAINA 26:6 ပူးပေါင်းရင်းမြစ်များ

2 ABEIZY 2:24

A vaw heih ta, âmo cha vaw hmô ta, Abeipa moh ta ama chô liata chhiesa ta. Lyurâhpa tawhta chavyh panô pô no vaw pua ei ta, ama hry liata hawti sypalih nata panozy cha a hriechheih khai ha ei.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

2 THÂTIHZYRONA 20:30

Zehôsaphâ cha Khazohpa ta a chheipâh râh zydua tawhta apahâna a piepa vâta, a khinarâh cha sidiapa ta y ta.

ZAWBÂ 11:19

A zia awh chi ta, Ahy hmahta cha pachisa leipa aw ei ta, Chyhsa hluhpi ta na khokheina ama tlua aw.

ZAWBÂ 5:23

Râh liata alôzy nata biehrai tao aw chi ta, Râhsazy ta ama châ dyh aw.

HLAZY 144:14

Eima viahchaozy vô lymâ ei sala, Hrih leipa ta pataw lymâ mawh ei sy. Eima lâlaizy liata, Chana nata pachârôhna zy y khah sy!

HLAZY 147:14

Na râhri chhôh liata adyhna tao ta, Sâh pha chaipa ta na rih a cha pabie tyh.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 3:5

Abeipa ta ei hrona a pabohsapa vâta, A ziapa ta a mô na ta, Ei kaw hra heih tyh.

HLAZY 4:8

Thlalôhpa ta a zia aw na ta, Ei mô aw; Hy Abeipa, nâ deita he Abohpa ta nâ paysatuhpa cha na châ.

HLAZY 85:8

Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy.

PUASAINA 23:29

Kô kha chhôh ta âmo cha na hmiakô tawhta papua khai aw veih ei na, chataleipatala râh cha roryhrapa ta y aw ta, râhsazy na châta a vaw hluh tu pathlei aw.

BIESOZY 3:24

Nâ zia tita chi leipa aw chi ta, A zia aw chi ta, mokuh pahâh kawpa ta nâ mô aw.

BIESOZY 6:22

Na sie nota cha chhihthapa ta, Nâ zia tita cha vaih aw ei ta, Na thyu tita bie ama châ chho aw.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 31:26

Cha nona chata a vaw hra na ta, mohmia pasaih na ta, ei mokuh pahâh ngaitapa ta ei môpa vaw châ ta.

EZEKIA 14:15

“Sahrâhpazy râh chahryhsapa ta, râh cha paraopa ta roryhrapa ta paysa ha ei sala, sahrâhpazy vâta râh cha ahy hmah chahryh ngâh lei awpa ta ei tao khiahta cha,

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

EZEKIA 5:17

Nama chô liata chakâhna nata sahrâhpazy vaw tuah aw na ta, nama sawzy mâchhiesapa ta ama cha tao aw. Potlana nata thisaih ta cha siepahlie aw ei ta, nama chô liata zaozi ei vaw patlôsa aw. Kei, Abeipa ta ei reih haw,” tah ta.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

THEIHTHAINA 25:18

“Chavâta ei bieraopazy zyhpa ta, ei ryhpazy a pyh u la, chazy cha nama tao awpa a châ. Chatanachata râh liata thlalôhpa ta nama pahrâ aw.

THEIHTHAINA 25:19

Râh ta a thei pathei aw ta, lôhrâtlôpa ta nie aw ei chi ta, thlalôhpa ta nama y aw.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

THEIHTHAINA 26:7

Nama chariahzy a chadai aw ei chi ta, nama hmiakô liata zaozi ta ama pao aw.

MIKÂ 4:4

Chyhsa to ama kre zôh ry liata a tyuh aw ei ta, Ama theiku kô ry chyu liata amâ tyuh aw; Ahy ta hmah pachisa khao aw veih ei, Pheisaihzy Abeipa pakah ta a reih haw.

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

HMOTAOPAZY 12:6

Herawda ta a papua chy ta, cha zâ liana tlai chata, Pity cha pheisaih pano likawh ta, bâlia miano pakypa ta a mô ta. Vaituhpazy cha ochhi thaby liata ypa ta, patâhna o cha vaih ei ta.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.