THEIHTHAINA 26:5 - Mara Bible RV (BSI)

⁵ Nama sawhri liata sâh ta kre thei lyuna daihti taih a daih aw ta, kre thei nama lyupa ta chi cheina daihti taih a daih aw ta, nama viahchhâ lôhrâtlôpa ta nie aw ei chi ta, nama râh liata thlalôh ngaitapa ta nama pahrâ aw.

THEIHTHAINA 26:5 ပူးပေါင်းရင်းမြစ်များ

HLAZY 144:13

Eima sawvâzy cha, Kôvei chi to ta bie ei sala, Eima mietakuzy chhao, Lyuzy liata thysâh hluhpi pataw mawh ei sy.

HLAZY 90:1

Abeipa, nâ cha chhâ zydua ta, Eima pahrâna na châ.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

BIESOZY 1:33

Ei bie a nathlietuhpa deikua cha â bohpa ta y aw ta, Chhiena chi leipa aw ta, Chhôhmohpa ta a y aw.”

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 1:19

A phapa nata reingiahpa ta nama y khiahta cha, Râh phana nie aw ei chi ta;

ISAI 30:23

Chhaohlei liata na tupa chizy châta Abeipa ta vâsua cha pie aw ta, chhaohlei tawhta niedo phapa hluhpi a pua aw. Cha noh liata, nama sahrohzy cha sibiepa su kawhpazy liata ama lao bâ aw ei ta,

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

ZÔELA 2:19

Abeipa ta a phopi cha chyh-ei ta, Hetana heta â chhy ei: “Nathlie teh u, sâh vaw patlôsa aw na ta, Kresawhti nata sathaw zy ei vaw patlôsa aw; Chatanachata lôhrâtlôpa ta y aw ei chi ta, Phopizy hry liata Pahneiparâsaopa ta cha tao khao aw veih ei na.

ZÔELA 2:22

Râhsazy saih u, chi khuh vy; Râhchawhpa sibiepazy kaw thao heih ei ta, Thozy ama pathei heih hih; Theiku kôzy ta thei hluhpi pathei heih ei ta, Kre zôhzy ta thei hluhpi ama pathei heih hih.

ZÔELA 2:26

“A hluhpi nie aw ei chi ta, Nama lôhrâ a tlô aw; Chatanachata noâhchhihpa ta nama chô liata hmo a taopa, Abeipa nama Khazohpa moh cha nama reithai aw. Ei phopi cha, Maophyuhpa ta y heih khao aw vei.

AMÔSÂ 9:13

“Moh teh u, nohzy a vaw tlô hai,” Abeipa ta a tah. “Leipalietuhpa ta sâh hriatuhpa a chhaona noh vaw tlô hai ta, Kre thei tlytuhpa ta a chi cheihtuhpa a chhaona noh a vaw tlô hai; Tlâhpizy ta kresawhti thlôhpa pathlaoh aw ei ta, Tlâhthlôhzy liata Kresawhti a loh aw.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

RYHPACHANEINA 11:15

Nama sahrohzy châta nama lyuzy liata sibiepa paysa aw na ta, nie aw ei chi ta, aoh veipa ta nama y aw.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.