THEIHTHAINA 26:4 - Mara Bible RV (BSI)

⁴ avâzy a daihti ta cha pasuasapa aw ei na ta, chhaohlei ta kôvei papua aw ta, lyu liata thozy ta thei ama pathei aw.

THEIHTHAINA 26:4 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

ZAWBÂ 5:10

Alei chô liata avâ pasuasa ta, Râh liata ti a palosa.

HLAZY 104:13

Na pahrâna su sâhpa tawhta tlâhpizy ti bao chi ta, Alei cha na hriana thei ta lôhrâtlôpa ta a y.

HLAZY 67:6

Alei ta a kôvei papôhsa ta, Khazohpa, eima Khazohpa tlai ta byhnâ miah a pie aw.

HLAZY 67:7

Khazohpa ta byhnâ miah pie aw ta, Khizaw kaokih ta ano cha chi mawh ei sy!

HLAZY 68:9

Hy Khazohpa, khihti phapa vaw tuah chi ta, Na ryuto a panao hapa na paduapathi heih.

HLAZY 85:12

Abeipa ta hmo phapa pie aw ta, Eima râh liata kôvei a pha aw.

HLAZY 85:13

Abeipa hmia lâta siana sie aw ta, A hniezy cha lâpi ta a tao aw.

ISAI 30:23

Chhaohlei liata na tupa chizy châta Abeipa ta vâsua cha pie aw ta, chhaohlei tawhta niedo phapa hluhpi a pua aw. Cha noh liata, nama sahrohzy cha sibiepa su kawhpazy liata ama lao bâ aw ei ta,

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

EZEKIA 36:30

Tho theilâpa nata lyu kôvei paphasa aw na ta, chakâhna vâta phopizy hry liata maophyuh beih khao aw veih ei chi.

ZÔELA 2:22

Râhsazy saih u, chi khuh vy; Râhchawhpa sibiepazy kaw thao heih ei ta, Thozy ama pathei heih hih; Theiku kôzy ta thei hluhpi pathei heih ei ta, Kre zôhzy ta thei hluhpi ama pathei heih hih.

THEIHTHAINA 25:19

Râh ta a thei pathei aw ta, lôhrâtlôpa ta nie aw ei chi ta, thlalôhpa ta nama y aw.

THEIHTHAINA 25:21

A kô charuna kô liata ei byhnâ nama chô liata patlôsa aw na ta, kô thôh a daih awpa ta kô a veih aw.

ZEKARIA 8:12

“Thlalôhna chi tupa a châ bâ aw. Kre zôh ta a thei papua aw ta, chhaohlei ta kôvei papuapa ta, avâ ta diati a patlasa aw. He hmo zydua he phopi laibâhpazy hnohta ama ryuto châta ei pie aw ei.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

HMOTAOPAZY 14:17

Chatahrasala a pahnokheituhpa y leipa ta y beih vei. Hmo phapa tao lymâpa ta, avâ tawhta vâsuazy nata kô pha kôzy cha pie ei ta, niepa nata alyna ta nama palôh a cha pabie tyh ei,” tah ei ta.

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 11:14

nama râh liata a daihtita liata vâsua hmiatuapa nata vâsua hnôhchaipa zy pasuasa tyh aw na ta, chatanachata nama sâh, nama kresawhti nata nama sathaw kôveizy nama pakhy tyh aw.

RYHPACHANEINA 28:12

“Abeipa ta ryubyh phapa avâzy cha pahypa aw ei ta, a daihtita liata nama râh liata avâ pasuasa aw ta, nama ku raihria zydua byhnâ a pie aw. Chatanachata phopi hluhpi dyu pacheisa aw ei chi ta, nâmo deikua ta dyu chei aw veih ei chi.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

BIEPHUAH 11:6

Hrohsona bie ama rei chhôh noh zydua avâ suah lei awpa ta avâ khaw theina hmotaotheina ama hnei. Ama khona daihti maihta thisaih lâta pachâsa awpa ta tizy chô liata chhao biehnei ei ta, khizaw he potlana to ta hrie awpa ta bie ama hnei hra.