THEIHTHAINA 26:37 - Mara Bible RV (BSI)

³⁷ Ahy ta hmahta amâ chadai leipa chhao ta, zaozi ta amâ chadaipa hawhta âmo nata âmo amâ chapia aw. Nama chariahpazy hmiakô liata a duah awpa ta thatlôna rai hnei aw veih ei chi.

THEIHTHAINA 26:37 ပူးပေါင်းရင်းမြစ်များ

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 46:16

Abeipa ta chyhsa hluhpi chakhosa ta, Amâ pao thlu hôlô. ‘Thyu ei sih la, eima phopi lâ kua sih la, Eima pina râh lâ kua ha ei suh u, Tlybaituhpazy zaozi eimâ tyh hih,’ ama tah.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

NÂHU 3:3

Arâ pheisaihzy ta zaozi pathlipa ta a dyuh ei ta, Asei patliepazy ta amâ dyuh; Zasâh manôh ama thiepa rizy a pacho hôlô ta, Athihpa ri chhâ thai khao vei. Chyhsa rizy liata amâ pachhi!

MALUHREINA 14:42

Khy hlei khah u, nama hry liata Abeipa y khao tlôh leipa ta, nama chariahzy ta ama cha thie khai pathlei aw.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

1 SAMUELA 4:2

Philistinâ mo cha Izarei a dyuh awpa ta a paziah ei ta, thata a dyuh ei ta. Philistinâ mo hmiakô liata Iza­rei cha panawhpa ta y ta, Philistinâ mo ta Izarei chyhsa sâh palih rachhôh adyuhna su liata ama thie haw.