THEIHTHAINA 26:34 - Mara Bible RV (BSI)

³⁴ “Râh roryhrapa ta a y chhôh zydua nata nâmo nama chariahpa râh liata nama y chhôh zydua cha, râh ta Pahânohzy a hmâh aw. Chatanachata râh cha a pahâ aw ta, a Pahânohzy liata â ly aw.

THEIHTHAINA 26:34 ပူးပေါင်းရင်းမြစ်များ

1 ABEIZY 8:46

“Chyhsa ahy hmah a molei beih leipa y veih ei. Na phopi chhao ta na chô liata ama molei tita, ama chô liata na pathi ia ta, chavâta ama chariahpa ku liata âmo cha pie chi ta, chariahpa râh lâhlapi lâta tlyma, lâhnia liata tlyma, sei ta a chhipa ta y ei sala,

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

THEIHTHAINA 25:10

Kô sypangawhna a ly aw ei chi ta, râh pôhpalôh liata a pahrâpa zydua hnohta khotalaina nama phuah aw. Cha cha nama châta zubili châ aw ta, chyhsa to nama râh chyu lâta kua aw ei chi ta, mo to nama chhôhkha chyu lâ namâ lie aw.

THEIHTHAINA 26:35

Râh cha roryhrapa ta a y chhôh zydua â pahâ aw. Râh liata nama pahrâ chhôh ta nama Pahânohzy liata â pahâ leina vyuhpa ta â pahâ aw.

THEIHTHAINA 26:43

Châhrasala râh cha siesaipa ta y aw ta, âmo y leipa ta roryhrapa ta a y chhôh ta a Pahânohzy a hmâh aw. Ei ryhpazy zyh khoh leipa ei ta, ama hro ta ei bieraopazy â haopa vâta, ama paraona vâta hriena cha amâ tyh awpa a châ.