THEIHTHAINA 26:30 - Mara Bible RV (BSI)

³⁰ Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

THEIHTHAINA 26:30 ပူးပေါင်းရင်းမြစ်များ

ÂTHAONA 19:13

He su he eima pahleipadia aw. Abeipa hmiakô liata a khih chyhsazy kyh ama reipa a rarôh y ngaita ta, chavâta pahleipadia awpa ta Abeipa ta miah a za tuah,” tah ei ta.

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

1 ABEIZY 13:32

Khazohpa bie ta Bethel liata maisâh nata Samâri khihpizy liata su sâhpa o zydua a awsaona biezy kha a vaw tlô thlyu awpa châ tlôh ta,” tah ta.

2 ABEIZY 23:16

Chatawhcha Zôsia cha a kaw heih ta, tlâh liata thlâzy hmô ta. Thlâ liata ruzy cha kei palasa ta, nothlahpa achhyna maisâh a papuapalei thei nawpa ta maisâh liata rao ta. Chazy cha Khazohpa chyhsa ta vaw chhochhielie ta a phuah khai hapa Abeipa bie hawhta a vaw tlôpa a châ.

2 ABEIZY 23:20

Cha liata su sâhpa theihthaipa a ypa zydua cha maisâhzy chô liata thie ta, chyhsapa ruzy cha maisâhzy chô liata rao ta, cha khai tawhta Zerusale lâ â lie haw.

2 ABEIZY 23:8

Theihthaipa zydua Zudâh khihpizy tawhta lapapua ta, theihthaipazy ta atheihna ama hlâ tyhna, nothlahpa achhyna su sâhpazy cha Kebâ tawhta Besebâ taihta papuapalei khai ha ta, khihpi angiana chhikao chavei lâta, khihpi ryureituhpa moh pachypa ta Zawsua chhikao ama tahpa angiana chhikaozy liata su sâhpazy chhao a pacho khai haw.

2 THÂTIHZYRONA 23:17

Chatawhcha zawpi zydua cha Bâlâ achhyna o lâ vawh ei ta, achhyna o cha parao ei ta, Bâlâ maisâhzy nata a nothlahpazy pakeichheih ei ta, Bâlâ theihthaipa Mâtâ cha maisâh thaby liata thie ei ta.

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 89:38

Tahmâ deikua cha dythapa ta thy ha chi ta, Na sathawthupa chô liata na pathi thata a ia haw.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ZEREMIAH 14:19

Hy Abeipa, Zudâh cha na thy pathlah ha ma? Na hro ta Zaio a pasi kaw ma? Eima châta patlâhna y leina taihta, Khazia ma pasa miah na pataosa tly? Thlalôhna tlua pi ta, Châhrasala phana vaw tlô leipa ta; Patlâhna daihti hâ pi ta, Chichhihna sai eimâ tyh.

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

EZEKIA 16:39

Ama ku liata cha hlâ aw na ta, na yna su achhuapa cha phie aw ei ta, na su sâhpazy ama pacho aw. Na chysiazy hlaipa ta, na lôsôhpa atobina a ngiapazy cha lapa aw ei ta, thluahruapa nata sasaihpa ta ama cha siesai aw.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

HÔSIA 10:2

Ama palôh doleipa vâta, Ama thaileichâna ama phaoh bâ aw. Abeipa ta ama maisâhzy phie aw ta, Ama panana tôhzy a parao aw.

THEIHTHAINA 20:23

Nama hmia lâta ei papua hapa phopi taoziezy nama zi awpa châ vei. Cha hmo zydua cha tao tyh ei ta, chavâta ei pasi ngaita ei.

THEIHTHAINA 26:11

Nama hry liata ei byureih soh aw na ta, ei hro ta châ hao aw veih ei.

THEIHTHAINA 26:15

ei bieraopazy zyh khoh leipa ta, nama hro ta ei ryureinazy a hao u la, ei biepiepa zydua tao leipa ta, ei biehrai nama parao khiahta deikua cha,

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.