THEIHTHAINA 26:26 - Mara Bible RV (BSI)

²⁶ Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

THEIHTHAINA 26:26 ပူးပေါင်းရင်းမြစ်များ

2 ABEIZY 6:25

Samâri khihpi cha ama dôh hapa vâta, khihpi liata chakâh mozoh tlô ta, alâ luh miakha cha tâkâ sekel sycharie ta zuah ei ta, vachhuh ie saikhua khophie cha tâkâ sekel tlaw pangawh ta zuapa a châ.

HLAZY 105:16

Râh liata chakâhna patlôsa ta, Niepa hnawh zydua a chhie khai ha nota,

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

ISAI 5:10

Kre sadô bai hrawh lyu liata beihrai kha ngâlâh veih aw ta, Sâh chi bai kha tu liata kachu kha ngâlâh a veih aw.”

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

EZEKIA 4:10

Na nie awpa cha khopathliah tyhpa châ aw ta, noh kha ta sekel miakih châ aw ta, cha cha noh chareih ta a daihti taihpa liata na nie tyh aw.

EZEKIA 4:16

Chatawhcha Abeipa ta ei hnohta, “Chyhsa sawchapawpa y, pachâ teh, Zerusale niedo hnawh chhie pachhô aw na ta, ama pati nie awpa tichho beihchho sapa ta, pachârôhpa ta nie aw ei ta, ama do awpa ti chhao panuapa ta, thlazohpa ta ti ama doh aw.

EZEKIA 4:17

Nie nata do a phahlapa ta, vâsâhpa ta amâ moh thlâh ha nawpa ta, he hmo he tao aw na ta, ama moleina vâta zaoh lymâ aw ei ta, ama thi aw.”

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

HÔSIA 4:10

Abeipa amâ heihsaipa vâta, Nie aw ei ta, Ama py bie aw vei; A patla aw ei ta, Pôh hlei aw veih ei.

THEIHTHAINA 26:27

“Chatanachôta ei bie nathlie hlei leipa ta, ei kho leizie ta khâ nama y khiahta cha,

MIKÂ 6:14

Nie aw chi ta, Châhrasala na rih bie leipa aw ta, Na chhôh liata nodina khâ a y aw; A papai sai ta papai aw chi ta, Pachô thei aw va chi; Na pachô tlakaihpa cha, Zaozi hnohta ei pie aw.

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.