THEIHTHAINA 26:25 - Mara Bible RV (BSI)

²⁵ Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

THEIHTHAINA 26:25 ပူးပေါင်းရင်းမြစ်များ

2 SAMUELA 24:15

Chatanachata Abeipa ta Izarei chô liata my tawhta daihti raopa taihta potlana patlôsa ta, Dânâ tawhta Besebâ taihta chyhsa 70,000 thi ei ta.

1 ABEIZY 8:33

“Na phopi Izarei sawzy ta na chô liata ama moleipa vâta, chariah hmia liata nawh ha ei sala, nâ lâ a vaw heih heihpa ta, na moh a châhkheipa ta, he o liata thlahchhâpa ta ama cha hiah tita,

1 ABEIZY 8:37

“Chakâhna tlyma, potlana tlyma, chawhkaraina tlyma, hmyna tlyma, khawsu tlyma, chângyu tlyma râh liata vaw y sala, ama chariahpa ta ama khihpizy dôhpa ta, potlana nata pasana kheihawhpa rai vaw tlô sala,

2 ABEIZY 17:3

Asuria bei Salmanesa ta vaw siehnao ta. Chatanachata Hôsia cha Salmanesa ry liata bei ta y ta, a hnohta râhpaw a pie tyh.

2 THÂTIHZYRONA 24:24

Aramia pheisaihzy cha maluh chyhta vaw sie ei ta, châhrasala Zudâh pathlazy ta Abeipa, ama pathlatuhpazy Khazohpa amâ heihsai hapa vâta, Abeipa ta Zudâh pheisaih hluh ngaitapa cha Aramia mo ku liata a pie ha ei. Cha hawhna chata Zôasâ chô liata hriena ama patlôsa haw.

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

ISAI 1:20

Reingiah leipa ta einâ dyuh khiah ei chi ta deikua cha, Zaozi ta a cha nie aw ei, Abeipa pakah ta a reih haw,” tah ta.

ISAI 65:12

Ei cha aw no ei ta nâ chhy leipa ei chi ta, Bie ei rei nota chhao nathlie leipa ei chi ta, Ei mohmô liata hmo pha leipa taopa ta, Ei ly leipa hmozy namâ tlyhpa vâta, Nama tovyuh châta zaozi cha raopa aw ei na ta, Nama zydua ta thietuhpa hmia liata namâ bôh aw.”

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 20:37

Chôchahrei ry liata cha pasiesa aw ei na ta, biehrai ta achahryna liata ei châ chhi aw ei.

EZEKIA 29:8

“Chavâta Abeipa Zehôvâh ta hetana heta a tah: Pachâ teh, na chô liata zaozi vaw patlôsa aw na ta, chyhsapa nata sa zy nâ tawhta ei chhawh pathlah khai aw ei.

EZEKIA 33:2

“Chyhsa sawchapawpa y, na phopi chho la, ama hnohta hetana heta reih teh: Râh chô liata zaozi ei vaw patlôsa tita, râhsawzy ta ama hry tawhta chyhsa pakha a tlyhpa ta, âmo riahvaituhpa ta tao ei sala,

EZEKIA 5:17

Nama chô liata chakâhna nata sahrâhpazy vaw tuah aw na ta, nama sawzy mâchhiesapa ta ama cha tao aw. Potlana nata thisaih ta cha siepahlie aw ei ta, nama chô liata zaozi ei vaw patlôsa aw. Kei, Abeipa ta ei reih haw,” tah ta.

EZEKIA 6:3

Ama hnoh ta, ‘Nâmo, Izarei tlâhpizy saih u, Abeipa Zehôvâh bie he nathlie teh u! Abeipa Zehôvâh ta tlâhpizy nata tlâhthlôhzy, chavah kaozy nata saikaozy hnohta hetana heta a tah: Nathlie teh u, kei, keima tlai ta nama chô liata zaozi vaw patlôsa aw na ta, nama su sâhpazy ei parao khai aw.

HÔSIA 11:6

Zaozi ta ama khihpizy a dyuh aw ta, Ama thokhy chhikao tlâhzy a chhawh pachhô khai aw; Ryh amâ raopa pha leipa vâta A pahleipadia khai aw ei.

THEIHTHAINA 26:6

Râh cha thlalôhpa ta paysa aw na ta, a zia aw ei chi ta, ahy hmahta cha pachisa aw veih ei. Sahrâhpazy râh tawhta to khai aw na ta, zaozi ta nama râh chahryh aw vei.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.

HABAKU 3:5

Hripipa a hmia lâta sie ta, Potlana ta a pazi laih.

MALUHREINA 14:12

Hri ta hrie aw ei na ta, ei pamua aw ei; chatanachata nâma liana heta âmo hlâta rônah viapa nata thatlô viapa phopi ei padua aw,” tah ta.

MALUHREINA 16:49

Kôrâ vâta athipazy hleikhô ta, potlana vâta a thipa zydua cha 14,700 ama châ.

MALUHREINA 31:3

Mawsi ta zawpizy hnohta, “Midia mo chô liata Abeipa phuh lana patlôsa awpa ta sie awpa ta, nama hry liata chapawzy cha adyuhna chariah chhaichhi ta tobi teh u.

LUKA 21:11

Alo ru ngaitapazy a sih aw ta, su hluhpi liata chakâhna tlô aw ta, potlanazy a charei aw. Chichhihpa nata ngiana rarôh y ngaitapazy avâ liata â vaw luah aw.

RYHPACHANEINA 28:21

Hnei awpa ta namâ ngiapa râh tawhta a cha pahleipadia khai hlâlei ei cha, Abeipa ta nama chô liata hri a patlôsa aw.

RYHPACHANEINA 32:25

Khôtho lâta zaozi ta thi aw ei ta, O chhôh liata thlazohpa ta ama y aw; Satlia nata laihsa zy thi aw ei ta, Sâhpi a ngiehpa nata sâ pawhpazy ama thi khai aw.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYUREITUHPAZY 15:11

Chatawhcha Zudâh chyhsa 3,000 zy cha Etamâ lôpu lâ zu ei ta, Sâsawna hnohta, “Philistinâ mo he eima chô liata ryureituhpazy ama châ tahpa pahno va chi ma? Khazia he hawhpa hmo he eima chô liata na tao?” tah ei ta. Sâsawna ta ama hnohta, “Ei chô liata ama taopa hawhta, ama chô liata ei tao hra,” tah ta.