THEIHTHAINA 26:17 - Mara Bible RV (BSI)

¹⁷ Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

THEIHTHAINA 26:17 ပူးပေါင်းရင်းမြစ်များ

ÂTHAONA 4:12

Lei na palie tita, alei ta kôvei cha pie khao aw vei. Alei chô liana heta leilôpa nata viavipa deita na châ aw,” tah ta.

1 ABEIZY 8:33

“Na phopi Izarei sawzy ta na chô liata ama moleipa vâta, chariah hmia liata nawh ha ei sala, nâ lâ a vaw heih heihpa ta, na moh a châhkheipa ta, he o liata thlahchhâpa ta ama cha hiah tita,

2 ABEIZY 13:3

Chavâta Abeipa cha Izarei chô liata a pathi ia ta, âmo cha Aramia bei Hâze ku liata nata Hâze sawchapawpa Benhadâ ku liata ama hro chhôh zydua ta a pie ha ei.

2 ABEIZY 13:7

Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

HLAZY 44:10

Eima khakhaipazy tawhta a râpai awpa ta miah tao chi ta, Miah a haotuhpazy ta miah ama hrao haw.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

HLAZY 53:6

Izarei pachhana cha, Zaio tawhta vaw pua sala ei tah kaw dia! Khazohpa ta a phopi vânoh a patosa heih tita, Zakaw cha a ly sala, Izarei cha thaphapa ta y mawh sy!

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

ISAI 30:17

Chyhsa pakha pachhiparypa ta, Sâh kha a râ aw ei ta; Chyhsa papangawh pachhiparypa ta, Namâ râ khai aw. Achhâna lâta cha, Tlâhpi laki liata pohraipa tôh hawhta, Siesaipa châ aw ei chi ta; Tlâhthlôh liata ngiana poh hawhta, Siesaipa nama châ aw.

ISAI 63:10

Châhrasala Abeipa cha a dyuh ei ta, A Thlahpa Pathaihpa pachâ thata ama parôhsapa vâta, Abeipa cha ama chariahpa lâta a lie ha ta, Ano tlai ta â dyuh ha ei.

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 44:11

“Chavâta Pheisaihzy Abeipa, Izarei Khazohpa ta hetana heta a tah: Pachâ teh u, cha parao awpa ta châ heihnao aw ei na ta, Zudâh pathla zydua ei chhawh pathlah khai ha aw ei.

CHAPHÔHTUNA 1:5

A khakhaipazy ta luhpa châ ha ei ta, A chariahpazy vânoh topa ta ama y; A paraona hluh ngaitapazy vâta, Abeipa ta pasa a pataosa haw; Khakhaipa hmiakô liata, A sawzy seichâna lâ ama sie.

CHAPHÔHTUNA 2:4

Chariahpa hawhta a libaw a kei ta, Khakhaipa hawhta a ku chachâh lâ â pachyh haw; Zaio sawchanô poh o liata, Eima modypa zydua a thie khai haw; A hiehâhna cha, Mei hawhta a lei thlu haw.

EZEKIA 15:7

Ei heihnao aw ei. Mei tawhta pua hra ei sala, mei ta kâ khai pyly aw ei ta, ei heihnao ti ei ta, Abeipa ei châ tahpa nama pahno aw.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

ZAWSUA 7:4

Chatanachata zawpi hry tawhta chyhsa sâh thôh rachhôh khy ei ta, châhrasala Ai khihsawzy hmiakô liata amâ râpai haw.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.

RYUREITUHPAZY 3:14

Chatanachata Izarei sawzy cha Môabâ bei Ekalaw ry liata kô hrawh hleicharie y ei ta.

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.

RYUREITUHPAZY 6:2

Midia cha Izarei hlâta a thatlô via ta, Midia vâna chata Izarei sawzy cha tlâh liata khaohtlôzy, lôpuzy nata thokhyzy a tao ei ta.

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.

1 SAMUELA 31:1

Philistinâ mo ta Izarei a dyuh heih ei ta. Izarei chyhsazy cha Philistinâ mo hmiakô tawhta a râpai ei ta, Kibô Tlâh liata thiepa ta y ei ta.

1 SAMUELA 4:10

Philistinâ mo ta a vaw dyuh ei ta, Izarei cha pahniepa ta y ha ta, ama poh o chyu lâta a râ ei ta. Izarei mo cha thata thie ei ta, Izarei alei pheisaih 30,000 tlai thiepa ama châ.