THEIHTHAINA 26:14 - Mara Bible RV (BSI)

¹⁴ “Ei bie nathlie leipa ta, he biepiepa zydua he tao leipa u la,

THEIHTHAINA 26:14 ပူးပေါင်းရင်းမြစ်များ

2 ABEIZY 22:13

“Vawh u la, he châbu ama hmôpa liata biezy kyh liata, kei nata zawpi nata Zudâh zydua châta Abeipa miah a saohiahpa teh u. He châbu bie zydua he eima tao awpa châ ta, châhrasala miah pathlatuhpazy ta ama zyh leipa vâta, eima chô liata Abeipa pathi thata a ia ha hi,” tah ta.

2 THÂTIHZYRONA 34:24

Abeipa ta hetana heta a tah, pachâ teh, he su nata a chhôh liata a pahrâpazy chô liata chhiena patlôsa aw na ta, Zudâh bei hmiakô liata ama rei papuapa, châbu liata ropa chhiesana zydua ama chô liata ei patlôsa aw.

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

BIESOZY 3:33

Abeipa chhiesana cha hmoparaopa­ o liata y ta, Mosiapa pahrâna deikua cha byhnâ a pie tyh.

ZEREMIAH 11:8

Châhrasala zyh leipa ei ta, ama nah pachôh hra leipa ei ta, chyhsa to ta âmo palôh moleipa chhoruna lâpi tlao amâ chhih lymâ. Chavâta biehrai a zyh leipa chô liata chhiesana a tlô awpa, biehrai liata â rohpa zydua ama chô liata ei patlôsa hapa a châ.’”

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 26:4

“Ama hnohta hetana heta na chho aw ei, ‘Abeipa ta hetana heta a tah: Na nathlie leipa u la, nama hmiakô liata ei sopa ei ryhpa zyh leipa u la,

ZEREMIAH 28:8

Nâ nata kei hlâta a vaw y tuapa hlâno hrohsopazy khata, râh hluhpi nata khinarâh rônahpazy chô liata adyuhna, chakâhna nata potlana a tlô awpa kyh hrohsona biezy ama phuah tyh.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 40:2

Pheisaih hyutuhpa ta Zeremiah cha a chhi ta, a hnohta, “Abeipa na Khazohpa ta he chhiena he, he su liata a vaw tlô awpa ta vaw phuah ha ta.

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

CHAPHÔHTUNA 2:17

Abeipa ta â chhuahpa tao ha ta, A bie a patlô haw; Hlâno tawhta parao awpa ta a vaw rao hapa cha, Ngiachhiena hnei leipa ta a parao haw; Chariahpa a ly awpa ta cha parao ta, Na khakhaipazy ki a pasisa.

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

HÔSIA 7:12

Sie hra ei sala, Ama chô lâta ei sao parai khâh aw ei na ta, Avâ pavawzy hawhta ei daophi aw ei; Ama zawpi ta bie ama theipa hawhta Ei chhorei aw ei.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

HMOTAOPAZY 3:23

Ahy rai, cha hrohsopa bie a nathlie leipa cha, phopi tawhta pahleipadiapa a châ aw,’ tahpa ta a vaw reih hapa kha.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

ZAWSUA 23:15

Abeipa nama Khazohpa ta nama hnohta hmo phapa a reipa zydua nama chô liata a vaw tlô khaipa hawhta, a biepiepazy nama parao khiahta deikua cha, Abeipa nama Khazohpa ta râh phapa a cha piepa tawh ei ta a cha pahleipadia khai hlâlei ei cha, Abeipa ta hmo pha leipazy nama chô liata a vaw patlôsa aw.

RYUREITUHPAZY 2:15

Hrâ ama siena maihta, Abeipa ta a reipa nata ama hnohta bie â taihpa hawhta, Abeipa ku tlai ta âmo cha â dyuhpa vâta, pahniepa ama châ lymâ. Chavâta ama pachâ a rôh ngaita.

1 SAMUELA 12:15

Abeipa ao nathlie leipa ta, Abeipa biepiepa namâ dyuh khiahta deikua cha, châ pathlatuhpazy â dyuhpa hawhna khata, Abeipa ku ta nâmo nata nama bei cha a châ dyuh aw ei.