THEIHTHAINA 26:13 - Mara Bible RV (BSI)

¹³ Kei he Abeipa nama Khazohpa, Izi mo sei nama châ khao lei awpa ta, Izi râh tawhta nâmo châ chhi papuatuhpa ei châ. Nama raopakyzy thlie pachhô na ta, â patlâpa ta ei cha pasiesa ei.

THEIHTHAINA 26:13 ပူးပေါင်းရင်းမြစ်များ

HLAZY 116:16

Hy Abeipa, châ chakaotuhpa châ na ta, Na seichanô sawchapawpa, Châ chakaotuhpa ei châ hih.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 51:23

Ei hiehâhna nyu cha, Nâmo châ taolatuhpazy ku liata soh aw na ta, Nama hnohta, ‘A pazawh teh u, Nama chô liata eima vaw sie aw,’ Châ tahtuhpazy ku liata ei soh aw. Nama ky alei hawhta dao ei chi ta, Ama sie nawpa khiliah lâpi hawhta nama dao tyhpa kha.”

ISAI 9:3

Cha phopi cha palaiseihsapa ta, Amâ lyna papôh chi ta; Sâh hria nota a lypa hawhta, Na hmiakô liata a ly ei ta; Hraona sôh amâ rai nota amâ lypa hawhta, Na hmiakô liata amâ ly.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 28:2

“Pheisaihzy Abeipa, Izarei Khazohpa ta hetana heta a tah: Babylaw bei raopakypa ei parao haw.

ZEREMIAH 28:4

Babylaw bei raopaky thlie aw na ta, Zehôki sawchapawpa Zudâh bei Zekôniah nata Zudâh tawhta Babylaw lâ sei ta a siepa zydua kha, he su lâ he ei vaw chhi pakhua heih aw ei, Abeipa ta a tah,” tah ta.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

HÔSIA 11:4

Phana chaori ta a chhi ei na ta, Kyhpachâna bâlia ta ei chahry ei. Ama raopaky pahluhpa ei na ta, Âmo lâ a bôh na ta pati ei paniesa ei.

THEIHTHAINA 25:38

Kei he Abeipa nama Khazohpa, Kâna râh cha pie awpa nata nama Khazohpa châ awpa ta, Izi râh tawhta châ chhi papuatuhpa ei châ.

THEIHTHAINA 25:42

Âmo cha Izi râh tawhta ei chhi papuapa, nâ chakaotuhpazy châ ei ta, sei zuapa hawhta zuah awpa châ veih ei.

THEIHTHAINA 25:55

Izarei sawzy cha kei nâ chakaopazy châ ei ta, Izi râh tawhta ei chhi papuapa nâ chakaotuhpazy ama châ. Kei he Abeipa nama Khazohpa ei châ.

NÂHU 1:13

Tahmâ cha a raopaky cha thliepa aw na ta, Na bâliazy ei chhie pachhô bâ aw.”