THEIHTHAINA 26:11 - Mara Bible RV (BSI)

¹¹ Nama hry liata ei byureih soh aw na ta, ei hro ta châ hao aw veih ei.

THEIHTHAINA 26:11 ပူးပေါင်းရင်းမြစ်များ

2 SAMUELA 7:7

Izarei saw zydua hnohta su to liata ei pasie laihna liata, ei phopi Izarei chhihtha awpa ta bie ei piepa Izarei ryureituhpa ahy hnohta tlyma, “Khazia sidy tho ta o eina sapa veih ei chi,” tahpa ta bie kawh kha chhâ ei vaw reih beih ma?’

1 ABEIZY 6:13

Izarei sawzy hry liata pahrâ aw na ta, ei phopi Izarei he siesai aw va na,” tah ta.

1 ABEIZY 8:13

Na chhâzaw pahrâna su châta, O rônahpa ei cha sapa haw,” tah ta.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 76:2

Salem liata a byureih y ta, Zaio liata a pahrâna su a y.

HLAZY 78:59

Cha kyh cha Khazohpa ta a thei nahta, A hiehâh ngaita ta; Izarei cha a dytha pathlah haw.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

PUASAINA 29:46

Ama hry liata ei pahrâ thei nawpa ta, kei he Izi râh tawhta âmo a kaw chhi papuatuhpa Abeipa ama Khazohpa ei châ tahpa ama pahno aw. Kei he Abeipa ama Khazohpa ei châ.

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

CHAPHÔHTUNA 2:7

Abeipa ta a maisâh thy ta, A supathaihpa a dytha haw; A bei o thokhyzy chhao, A chariahpa ku liata a hlâ haw; Kyhchhi noh ta taopa hawhta, Abeipa o liata thata ama awh.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

THEIHTHAINA 20:23

Nama hmia lâta ei papua hapa phopi taoziezy nama zi awpa châ vei. Cha hmo zydua cha tao tyh ei ta, chavâta ei pasi ngaita ei.

THEIHTHAINA 26:15

ei bieraopazy zyh khoh leipa ta, nama hro ta ei ryureinazy a hao u la, ei biepiepa zydua tao leipa ta, ei biehrai nama parao khiahta deikua cha,

THEIHTHAINA 26:43

Châhrasala râh cha siesaipa ta y aw ta, âmo y leipa ta roryhrapa ta a y chhôh ta a Pahânohzy a hmâh aw. Ei ryhpazy zyh khoh leipa ei ta, ama hro ta ei bieraopazy â haopa vâta, ama paraona vâta hriena cha amâ tyh awpa a châ.

THEIHTHAINA 26:44

Chatahrasala ama chariahpazy râh liata ama y no chhao ta, âmo pahleipadia awpa nata ama hnohta ei biehrai parao awpa ta, âmo cha thy leipa aw ei na ta, a hao hra aw veih ei na, kei he Abeipa ama Khazohpa châ tlôh na ta.

ZEKARIA 11:8

Châhrasala thla kha chhôh ta vaituhpa pathôh ei pabâh ha ei. Ama chô liata ei palôh chhâ kaw ta, âmo chhao ta eina ai kaw hra ei.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.

ZAWSUA 22:19

Râh nama topa a pathaih leipa khiahta cha, Abeipa achhyna byureih yna Abeipa râh lâ he vaw chaka u la, eima hry liata râh vaw hnei hra teh u. Anodeikua Abeipa eima Khazohpa maisâh dei leipa ta maisâh hropa taopa ta Abeipa namâ dyuh awpa châ leipa ta, keimo chhao miah namâ dyuh awpa châ vei.

ZAWSUA 22:31

Theihthaipa Eliaza sawchapawpa Phinehâ ta Rubena pathlazy, Kâdâ pathlazy nata Manase pathlazy hnohta, “Abeipa eima hry liata a y tlai tahpa tanoh eima pahno haw. Abeipa châta nama ngâchhihna nama pahlei leipa vâta, tahmâ he Abeipa ku tawhta Izarei sawzy nama pachha haw,” tah ta.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.