THEIHTHAINA 26:1 - Mara Bible RV (BSI)

¹ “Khazoh nothlahpa namâ tao awpa châ leipa ta, nothlahpa tao chhyhpa tlyma, lôbô tlyma, nama bô awpa châ hra leipa ta, a naoh awpa ta nama râh liata nothlahpa hawhta taopa alô nama bô awpa châ vei, kei he Abeipa nama Khazohpa châ tlôh na ta.

THEIHTHAINA 26:1 ပူးပေါင်းရင်းမြစ်များ

2 ABEIZY 17:10

Tlâh sâhpa to liata nata tho hrohpa to ry liata lôbôzy bôpa ta Aseri tôhzy padua ei ta.

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 17:8

Abeipa ta Izarei sawzy hmiakô liata a papua hapa phopizy taozie nata Izarei beizy tao tyhpa hmo pha leipazy ama taopa vâta a châ.

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 20:23

Keima leipa ta khazoh hropazy nama hnei awpa châ vei. Tâkâ khazohzy tlyma, ngôh khazohzy tlyma, nâmo châta nama tao awpa châ vei.

PUASAINA 23:24

Ama khazohzy hmiakô liata a bôhpa ta nâ chhy awpa châ leipa ta, âmo na chakao awpa châ hra vei. Ama taopazy hawhta na tao hra awpa châ leipa ta, tlokhuh na pahleipadia khai ha awpa ei châ ta, ama panana tôhzy na phy pachhô khai ha awpa a châ.

PUASAINA 34:17

“Thua ta leihpa nothlahpa khazohzy na tao awpa châ vei.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

THEIHTHAINA 25:55

Izarei sawzy cha kei nâ chakaopazy châ ei ta, Izi râh tawhta ei chhi papuapa nâ chakaotuhpazy ama châ. Kei he Abeipa nama Khazohpa ei châ.

THEIHTHAINA 7:33

Arawna sawchapawzy hry liata aryhna hlâna thisaih nata thaw a hlâtuhpa ta, a tovyuh châta a phei chachâh lâ cha â la aw.

MALUHREINA 33:52

a râh chyhsa zydua nama hmiakô tawhta nama papua khai awpa a châ. Ama lô nothlahpa zydua parao khai aw ei chi ta, ama thua nothlah leihpa zydua chhao parao khai aw ei chi ta, ama su sâhpa zydua nama phie khai aw.

HMOTAOPAZY 17:29

“Khazohpa pathla eima châ tlôh khiahta cha, Khazohpa cha ngôh tlyma, tâkâ tlyma, alô tlyma, chyhsa patuapaluapa nata zôthaipa ta taopa nothlahpa hawhpa he khiah ma, tahpa ta eima pachâ awpa châ vei.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 5:6

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

RYUREITUHPAZY 18:30

Dânâ pathlazy ta nothlahpa khaipa cha âmo châta patyu ei ta, Mawsi sawchapawpa Kesao sawchapawpa Zawnathâ nata a sawchapawzy cha, Dânâ pathlazy theihthaipazy châ lymâ ei ta, râh cha sei ta â tâh hlâ zydua cha theihthaipa ama châ lymâ.