THEIHTHAINA 25:43 - Mara Bible RV (BSI)

⁴³ Nôchhiepa ta a chô liata ryu na rei awpa châ vei. Na Khazohpa na chi awpa a châ.

THEIHTHAINA 25:43 ပူးပေါင်းရင်းမြစ်များ

ÂTHAONA 42:18

A noh thôhna noh liata, Zawsi ta ama hnohta, “Khazohpa chi tlôh na ta, chavâta hetana heta tao u la nama hroh aw:

2 THÂTIHZYRONA 28:10

Zudâh nata Zerusale mo cha a chanô chapaw ta sei ta tao a chhuah ei chi ta. Nâmo taih chhao ta Abeipa nama Khazohpa chô liata hmo nama paraopa châ vei ma?

ZAWBÂ 31:13

“Ei seichapaw tlyma, ei seichanô tlyma, Ei chô liata palôh tlâh leina bie ama rei tita, Amâ dona ei pachâpa leipa ei khiahta cha,

ZAWBÂ 31:14

Khazohpa a thyu tita kheihta ma ei tao aw? Hiahrina a tao tita kheihta ma ei chhy aw?

PUASAINA 1:17

Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

PUASAINA 1:21

Nawhpaytuhpazy chhao Khazohpa a chipa ama châpa vâta, Khazohpa ta chhôhkhazy a paduapa hra ei.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 3:9

Pachâ teh, Izarei sawzy awhpa ao ta ei kô na kaw daih ha ta, cha dei châ leipa ta, Izi mo ta âmo ama tlybaina chhao ei hmô haw.

PUASAINA 5:14

Phiraoh raihria hyutuhpazy ta, Izarei sawzy hry liata raihria vaituhpa ta ama raopazy cha tu ei ta, “Khazia leiraopa nama tao tyhpa zie zâhnia nata tanoh nama tao vei?” tah ei ta.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

EZEKIA 34:4

Mietaku chiehleipazy thapatlô leipa ei chi ta, a pasapazy patlâh hra leipa ei chi ta, hmahphaohpazy chhao chahry veih ei chi. Lâpi a paviapazy a vaw chhi pakhua leipa ei chi ta, aleipazy tlua hra vei ei chi. Nôchhiepa nata chahrâhpa ta ama chô liata ryu tlao nama reih tyh.

THEIHTHAINA 25:17

Namâ dôvei awpa châ vei. Kei he Abeipa nama Khazohpa châ tlôh na ta, na Khazohpa cha na chi awpa a châ.

THEIHTHAINA 25:42

Âmo cha Izi râh tawhta ei chhi papuapa, nâ chakaotuhpazy châ ei ta, sei zuapa hawhta zuah awpa châ veih ei.

THEIHTHAINA 25:44

Seichapaw nata seichanôzy nama hnei khoh khiahta cha, nama chheipâh râhzy tawhta nama chalei awpa a châ.

THEIHTHAINA 25:46

Âmo cha, châ vaw pazi awpa nama sawzy châta ama chhâzaw ryuto nata hmohneipa ta tao aw ei chi ta, ama phopi tawhta sei nama hnei lymâ aw. Nama unawhpa Izarei sawzy chô liata deikua, nôchhiepa ta ryu nama rei awpa châ vei.

THEIHTHAINA 25:53

Kô kha lymâ châta pahriasapa hriatuhpa hawhta a hnohta a y awpa a châ. Na mohmô liata nôchhiepa ta a chô liata ryu a rei awpa châ vei.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

EPHESI 6:9

Nâmo, zibeipazy saih u, cha hawhna chata nâmo chhao nama seizy chô liata tao hra teh u. Âmo chhao, nâmo chhao, avâ liata zibeipa pakha nama hneipa pahnopa ta, ano liata cha khokhei eih viapa y veih ei tahpa pahnopa ta, nama seizy pachhipary khuh vy.

RYHPACHANEINA 25:18

Nama riethei thachhâ lichih ta, lâpi liata châ vaw byh ei ta, hnôh a chhâhpa, chiehleipa hnôh a khawpa zydua ama thie khai haw. Khazohpa china rai hnei veih ei.

KAOLAOSÂ 4:1

Zibeipa saih u, nâmo chhao avâ liata Zibeipa nama hnei tahpa pahnopa ta, nama seizy chô liata â do kawpa nata â raohâh kawpa ta tao muh vy.