THEIHTHAINA 25:39 - Mara Bible RV (BSI)

³⁹ “Na unawhpa a dyh vaw chhie sala, na hnohta sei ta â zuah khiahta cha, sei hawhta na tao awpa châ vei.

THEIHTHAINA 25:39 ပူးပေါင်းရင်းမြစ်များ

1 ABEIZY 9:22

Izarei sawzy deikua cha, Sawlawmaw ta sei ta tao leipa ta, pheisaihzy, a chakaotuhpazy, a beimachâzy, a pheisaih hyutuhpazy, a talailih hyutuhpazy nata a arâ pheisaihzy ta a tao ei.

2 ABEIZY 4:1

Hrohsopa sahlao lapinôzy hry liata chanô pakha ta Elaisâh hnohta, “Châ chakaotuhpa ei vahpa thi ha ta, châ chakaotuhpa kha Abeipa a chipa a châ tahpa na pahno. Leibâh â bâhpa chyhsa a vy ta, ei saw panozy cha sei ta a chhi awpa â chhuah,” tahpa ta a nôpona kyh chho ta.

2 THÂTIHZYRONA 28:10

Zudâh nata Zerusale mo cha a chanô chapaw ta sei ta tao a chhuah ei chi ta. Nâmo taih chhao ta Abeipa nama Khazohpa chô liata hmo nama paraopa châ vei ma?

NEHEMIAH 5:5

Eima sapa he eima unawhzy sapa hawhta châ ta, eima sawzy chhao âmo sawzy hawhta châ hra ei ta. Cha hawhta a châ nota, eima sawchapawzy nata sawchanôzy cha sei pachâsa awpa duahmo liata a duah pi ta, eima sawchanô thokhazy chhochhi cha sei ta taopa ama châ haw. Chyhsa hropazy ta eima lyu nata kre sadôzy ama hnei khai ha tawhta cha, tao thei awpa hnei khao ma pi,” a tahpazy chhao ama y.

PUASAINA 1:14

Raihria ru ngaitapa, alô khaipa nata alei raopa raizy nata lyu liata rai to pahriasapa ta ama hro rie thata pathei ei ta, ama raihria zydua liata riethei ngaitapa ta ama pahriasa lymâ.

PUASAINA 21:2

Hebrai chyhsa sei ta na chalei khiahta cha, kô charu cha chakao aw ta, a kô sari kô liata, chatlaina ty y leipa ta a pua awpa a châ.

PUASAINA 22:3

Noh a chhi tawhta tusaopa a châ khiahta deikua cha, a thisaih maoh a y aw. Parutuhpa cha a hmo parupazy a thô awpa châ ta, khâpa hmah a hnei vei khiahta cha, a parupa thô nawpa ta ano zuah awpa a châ.

ZEREMIAH 25:14

Phopi hluhpi nata bei rônahpazy ta Babylaw mo chhao tlai cha sei ta tao aw ei ta, ama hmotaopa lymâ hawhta nata ama ku rai hriapa lymâ hawhta ei thô aw ei,” Abeipa ta a tah.

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 30:8

“Chatawhcha hetana heta a vaw châ aw. Cha noh liata ama raopaky thlie pachhô aw na ta, ama rao tawhta ei pahluh aw. Ama bâliazy chhao chhie aw na ta, chihropazy ta sei ta tao khao aw veih ei.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

ZEREMIAH 34:8

He bie he Bei Zedekia ta Zerusale liata a ypa zawpi zydua hnohta biehrai taopa ta, seizy khotalaina kyh a phuah khai tawhta, Zeremiah hnohta Abeipa bie a vaw tlôpa a châ.

ZEREMIAH 34:9

Chyhsa to ta Hebrai seichapaw nata seichanô ama hneipazy cha khotalaina piepa ta ama papuasa khai awpa a châ. Ahy hmahta a unawhpa Zu chyhsa cha sei ta a hnei awpa châ vei, tahpa ta a phuah.

THEIHTHAINA 25:46

Âmo cha, châ vaw pazi awpa nama sawzy châta ama chhâzaw ryuto nata hmohneipa ta tao aw ei chi ta, ama phopi tawhta sei nama hnei lymâ aw. Nama unawhpa Izarei sawzy chô liata deikua, nôchhiepa ta ryu nama rei awpa châ vei.

MATHAI 18:25

Pie awpa a hnei leipa vâta, ano nata a lapinô nata a sawzy zuah sala, a leibâh cha thô awpa ta a zibeipa ta biepie ta.