THEIHTHAINA 25:38 - Mara Bible RV (BSI)

³⁸ Kei he Abeipa nama Khazohpa, Kâna râh cha pie awpa nata nama Khazohpa châ awpa ta, Izi râh tawhta châ chhi papuatuhpa ei châ.

THEIHTHAINA 25:38 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

THEIHTHAINA 11:45

Kei he nama Khazohpa châ awpa ta Izi râh tawhta châ kaw chhi papuatuhpa Abeipa ei châ. Kei pathaih tlôh na ta, chavâta nâmo chhao nama pathaih awpa a châ.

THEIHTHAINA 25:37

Apôhna chhaota na sôh dyu na pacheisa awpa châ leipa ta, athôhna tluapa ta niedo na pie awpa châ vei.

MALUHREINA 15:41

Kei he Abeipa nama Khazohpa, nama Khazohpa châ awpa ta Izi râh tawhta châ chhi papuatuhpa ei châ. Kei he Abeipa nama Khazohpa ei châ,” tah ta.

HEBRAI 11:16

Châhrasala tahmâ cha, râh pha viapa a saduthliepa châ ei ta, cha cha vârâh liata a ypa a châ. Chavâta Khazohpa ta ama Khazohpa châ awpa a noza vei, ama châta khihpi taih a chhuahdy ha tlôh ta.