THEIHTHAINA 25:35 - Mara Bible RV (BSI)

³⁵ “Na unawhpa a dyh vaw chhie sala, a châ vaw chhai khiahta cha, na deichhy awpa a châ. Khichhaipa nata khitlyhpa na deichhypa hawhta, na hnohta na paysa aw.

THEIHTHAINA 25:35 ပူးပေါင်းရင်းမြစ်များ

NEHEMIAH 5:1

Chatawhcha zawpizy nata ama la­pinôzy ta ama unawh Zuzy chô liata paphôhpa ta thata awh ei ta.

NEHEMIAH 5:3

“Chakâhna a tlôpa vâta, nie awpa sâh eima hnei thei nawpa ta, eima lyuzy, eima kre sadôzy, eima ozy taihta sôhkâ ta eima sokhâh lymâ bâ,” a tahpazy y hra ei ta.

ZAWBÂ 31:16

“Dyhchhiepazy khopa pakhâpa ta, Nôhmei mo pabâ aw sah la;

HLAZY 112:5

Chyhsa riaphapa nata a sôh dyu a pacheisapa cha, Phana ta vaoheipa châ ta, Adona ta rai a hriapa chhao, Phana ta vaoheipa a châ.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 37:26

Riapha kawpa ta a sôh dyu pacheisa tyh ta, A pathlazy byhnâ ama to lymâ.

HLAZY 41:1

Dyhchhiepazy a pachâtuhpa cha a nohlao na! Nôpona noh liata Abeipa ta ano cha pachha ta,

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

PUASAINA 22:24

ei pathi thata ia aw ta, zaozi ta ei cha thie aw ei. Chatanachata nama lapinôzy nôhmei châ aw ei ta, nama sawzy hârapa ta ama y aw.

PUASAINA 22:25

“Ei phopi chyhsa na kiapâh liata a ypa dyhchhiepa hnohta na sôh na pahmâsa khiahta cha, sôh dyu a pacheisapa chyhsa hawhta a pachâ leipa la, apôhna na haw awpa châ vei.

PUASAINA 23:9

“Mapaihpa na tlybai awpa châ vei. Nâmo chhao Izi râh liata mapaihpa châ ei chi ta, mapaihpa châpa palôh rietheizie nama pahno.

BIESOZY 14:31

Sipasapa a tlybaipa cha a Taotuhpa palôh a pasasapa châ ta, Phahlapazy a ngiachhiepa deikua cha a Taotuhpa a palyupalih.

BIESOZY 17:5

Sipasapa a mohnaopa cha, Ano Taotuhpa palôh pasasa ta; Mohropa chhiena liata a lypa chhao, Hriena khôkhâh aw vei.

BIESOZY 19:17

Dyhchhiepa chô liata a ria a phapa cha, A sôh Abeipa dyu a pacheisapa châ ta; Abeipa ta a dyuchei cha a thô aw.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

THEIHTHAINA 25:25

“Na unawhpa a dyh vaw chhie sala, a râh thokha a zuah khiahta cha, a heinawh a hnia chaipa ta a unawhpa zuapa râh cha a chatlai awpa a châ.

MATHAI 25:35

Ei nodi ta, nie awpa na pie ei chi ta; ei dâhphi ta, do awpa na pie ei chi ta; khichhaipa châ na ta, na patlôsa ei chi ta;

MÂKA 14:7

Dyhchhiepazy cha nama hnohta khâ a ypa châ ei ta, nama khona maihta ama châta hmo pha nama tao thei. Kei deikua cha, nama hnohta khâ a y awpa châ va na.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

ZAWHÂNA 12:8

Dyhchhiepazy cha nama hry liata ama y ngâ thlâh ha aw, kei deikua la nama hnohta y ngâ thlâh ha aw va na,” tah ta.

HMOTAOPAZY 11:29

Chatanachata pachupazy cha, ama tao theipa rakha chyu ta, Zudia râh liata unawh a ypazy lâ baona paphao a chhuah ei ta.

RAWMA 12:13

Mopathaihpa a phahlapazy deichhy u la, khichhai pasô muh vy.

RAWMA 12:18

Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u.

RAWMA 12:20

Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”

2 KAWRINI 8:9

Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.

2 KAWRINI 9:1

Mopathaihpazy châta chakaona kyh cha nama hnohta ei roh hluh awpa byuh vei.

KALATIA 2:10

Dyhchhiepazy a thei awpa deikua miah amâ haw. Cha hmo cha tao ei chhuah tyhpa tlai a châ.

RYHPACHANEINA 23:19

“Apôhna hneipa ta nama unawhzy dyu nama pacheisa awpa châ vei. Tâkâ liata apôhna tlyma, niedo liata apôhna tlyma, apôhna hneipa ta khâpa hmah dyu nama pacheisa awpa châ vei.

HEBRAI 13:2

Khichhai chô liata phana papua awpa my khuh vy. Cha hawhta taopa ta, thokhazy ta pahno leipa ta vâlyuhchâpazy ama o liata ama patlôsa tyh.

1 ZAWHÂNA 3:17

Chyhsa ta khizaw sôh hnei thlâh ha tlôh ta, a unawhpa a phahlapa hmô sala, thapasana a hnei leipa khiahta cha, Khazohpa kyhpachâna cha ano liata kheihta a y thai aw?