THEIHTHAINA 25:34 - Mara Bible RV (BSI)

³⁴ Livai khihpizy chheipâh liata lyuzy deikua cha, chhâzaw châta ama ryuto râh a châpa vâta, zuah theipa châ aw vei.

THEIHTHAINA 25:34 ပူးပေါင်းရင်းမြစ်များ

2 THÂTIHZYRONA 31:19

Livai khihpizy lyu liata a pahrâpa Arawna pathla theihthaipa chapawzy nata Livai pathla moh ropazy hnohta ama tovyuhzy rai awpa ta, khihpizy liata chyhsa rao eihpazy sopa ama châ.

EZEKIA 48:13

“Theihthaipazy râh kiapâh ta sie lymâpa ta, Livai chizy ta râh hnei aw ei ta, a doh lâ dy 25,000, a hâ lâ dy 10,000 a châ aw. A doh zydua dy 25,000 châ aw ta, a hâ zydua dy 20,000 a châ aw.

EZEKIA 48:14

Râh cha ama zua awpa châ leipa ta, amâ ri awpa châ hra vei. Cha râh pha chaipa cha, Abeipa châta râh pathaihpa a châpa vâta, mohropa hnohta ama pie awpa châ vei.

THEIHTHAINA 25:23

“Râh cha nama zuah pathlah awpa châ vei. Râh cha kei eih châ ta, nâmo cha khichhaipa nata khitlyhpa, ei râh liata a pahrâ chypa dei nama châ.

THEIHTHAINA 25:33

Livai chi ta a o zuah sala, chatlai pakhua awpa a khoh khiahta cha, Livai khihpizy liata ozy cha Livai chizy ta Izarei sawzy hry liata olyu ama hnei chhôhpa a châpa vâta, Livai khihpi liata o zuapa cha Zubili liata a pua awpa a châ.