THEIHTHAINA 25:21 - Mara Bible RV (BSI)

²¹ A kô charuna kô liata ei byhnâ nama chô liata patlôsa aw na ta, kô thôh a daih awpa ta kô a veih aw.

THEIHTHAINA 25:21 ပူးပေါင်းရင်းမြစ်များ

ÂTHAONA 26:12

Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ÂTHAONA 41:47

Kô pha kô, kô sari chhôh chhaohlei ta kôvei thata papua ta.

HLAZY 133:3

Adyhna cha Hâmaw diati lyu ta, Zaio tlâhzy liata a tlapa diati tlai a lyu. Adyhna liana cha Abeipa ta byhnâ tona bie pie ta, Tlyzaw hrona bie a pie.

PUASAINA 16:29

Pachâ teh u, Abeipa ta Pahânoh cha pie ei ta, chavâta noh charuna noh ta, noh no a khi awpa viahchhâ a cha pie ei. Chyhsa to âmo su chyu liata y khai mawh ei sy. Noh sarina noh cha ahy hmahta a yna su tawhta khô pua cheita khah sy,” tah ta.

PUASAINA 16:5

Noh charu noh liata deikua cha, noh chareih ta amâ huapa lie no ta a huah aw ei ta, nie awpa châta amâ patohpatia tyh aw,” tah ta.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

EZEKIA 34:26

Âmo nata ei tlâhthlôh chaby suzy cha byhnâ pachâsa aw na ta, a daihti ta avâ pasuasa tyh aw na ta, vâ byhnâzy a vaw suah aw.

THEIHTHAINA 25:4

A kô sarina kô deikua cha râh châta apahâna noh pathaihpa, Abeipa châta Pahânoh châ aw ta, na lyu liata chi na chei awpa châ leipa ta, na kre sadô chhao a chiah chhawhpa ta na panyusa awpa châ vei.

THEIHTHAINA 25:6

Râh â pahâ kô ta chicheipa a patheipazy cha nama nie chhyhpa châta a châ aw. Nâ nata na seichapaw nata na seichanôzy, châ hriahlaopazy, na hnohta a ypa chihropazy,

2 KAWRINI 9:10

Chitutuhpa hnohta chi a pietuhpa nata nie awpa châta viahchhâ a pietuhpa ta nama tu awpa chi cha pie aw ei ta, chi cha papôhsa aw ta, nama siana thei hluhpi a patheisa aw.

RYHPACHANEINA 28:3

“O lâta byhnâ to aw ei chi ta, râh lâ chhao byhnâ nama to aw.

RYHPACHANEINA 28:8

“Abeipa ta nama sawvâzy chô liata byhnâ patlôsa aw ta, nama ku raihria zydua byhnâ a pie aw. Abeipa nama Khazohpa ta râh a cha piepa ei liata byhnâ a cha pie aw ei.