THEIHTHAINA 25:18 - Mara Bible RV (BSI)

¹⁸ “Chavâta ei bieraopazy zyhpa ta, ei ryhpazy a pyh u la, chazy cha nama tao awpa a châ. Chatanachata râh liata thlalôhpa ta nama pahrâ aw.

THEIHTHAINA 25:18 ပူးပေါင်းရင်းမြစ်များ

1 ABEIZY 5:5

Abeipa ta ei paw Dâvi hnohta, ‘Na sawchapawpa, nâma châ thla awpa ta na beidyuchhai liata ei patyusapa ta ei moh châta o cha a sa aw,’ tahpa ta a vaw rei hapa hawhta, tahmâ Abeipa ei Khazohpa moh châta o sa awpa ei chhuah.

HLAZY 103:18

A kyhpachâna tleih beih leipa nata a siana cha, A biehrai zyh ta, A biepiepazy tao awpa ta a thei thlâhpazy chô liata a y lymâ.

HLAZY 4:8

Thlalôhpa ta a zia aw na ta, Ei mô aw; Hy Abeipa, nâ deita he Abohpa ta nâ paysatuhpa cha na châ.

BIESOZY 1:33

Ei bie a nathlietuhpa deikua cha â bohpa ta y aw ta, Chhiena chi leipa aw ta, Chhôhmohpa ta a y aw.”

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 25:5

Hrohsopazy ta, ‘Chyhsa to nama moleina lâpi tawhta nata nama hmotaopa pha leipazy tawhta vaw kua u la, Abeipa ta nâmo nata châ pathlatuhpazy hnohta hlâno tawhta chhâzaw châta a cha piepa râh liana he pahrâ teh u.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

EZEKIA 33:29

Hmo pasichhihpa ama taopa vâta, râh cha roryhrapa nata a rypa ta ei tao tita, Abeipa ei cha tahpa ama pahno aw.

THEIHTHAINA 19:19

“Ei bieraopazy na zyh awpa a châ. Sahroh chi hropa nata chi hropa chi na pathlasa awpa châ leipa ta, na lyu liata chi miano na chei pakaoh awpa châ hra leipa ta, pala chihropa miano sa pahlaopa chysia nâ tobi awpa châ vei.

THEIHTHAINA 19:37

Chavâta ei bieraopa zydua nata ei ryhpa zydua a pyh aw ei chi ta, nama zyh awpa a châ. Kei he Abeipa ei châ,” tah ta.

THEIHTHAINA 25:19

Râh ta a thei pathei aw ta, lôhrâtlôpa ta nie aw ei chi ta, thlalôhpa ta nama y aw.

RYHPACHANEINA 12:10

Châhrasala Zawdâh chaka aw ei chi ta, Abeipa nama Khazohpa ta ryuto châta râh a cha piepa liata nama pahrâ tita, nama chheipâh liata nama chariahpa zydua tawhta cha pahâsa aw ei ta, â bohpa ta nama y aw.

RYHPACHANEINA 33:12

Benzami châta byhnâ awna: “Abeipa kho ngaitapa cha, A hnohta â bohpa ta pahrâ mawh sy; Abeipa ta noh y ta vaih sala, A ngiatlâhzy likawh liata pahrâ mawh sy.”

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.