THEIHTHAINA 25:10 - Mara Bible RV (BSI)

¹⁰ Kô sypangawhna a ly aw ei chi ta, râh pôhpalôh liata a pahrâpa zydua hnohta khotalaina nama phuah aw. Cha cha nama châta zubili châ aw ta, chyhsa to nama râh chyu lâta kua aw ei chi ta, mo to nama chhôhkha chyu lâ namâ lie aw.

THEIHTHAINA 25:10 ပူးပေါင်းရင်းမြစ်များ

EZRÂ 1:3

Nama hry liata ano phopi a châpa maih chô liata a Khazohpa cha a hnohta y sala, Zudâh râh liata Zerusale lâ khy sala, Abeipa, Izarei Khazohpa o cha kaw sa mawh sy. Abeipa cha Zeru­sale liata a ypa Khazohpa a châ.

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ZEREMIAH 34:10

Chyhsa to ta ama seichapawzy nata ama seichanôzy cha khotalaina piepa ta ama papua khai awpa châ ta, chyhsazy ta âmo cha sei ta ama hnei heih awpa châ khao vei, tahpa biehrai a pyhtuhpa beimachâ zydua nata zawpi zydua ta biehrai cha zyh ei ta, ama seizy cha khotalaina piepa ta papuasa tlai ei ta.

ZEREMIAH 34:8

He bie he Bei Zedekia ta Zerusale liata a ypa zawpi zydua hnohta biehrai taopa ta, seizy khotalaina kyh a phuah khai tawhta, Zeremiah hnohta Abeipa bie a vaw tlôpa a châ.

EZEKIA 46:17

A chakaotuhpa ahy hnohta tlyma ryuto râh a pie khiahta deikua cha, khotalaina kô taihta hnei aw ta, cha khai tawhta râh cha abei lâ a kua heih awpa a châ. Abei râhzy cha a sawchapawzy eih a châ, âmo ta ama to aw.

THEIHTHAINA 25:11

Kô sypangawhna cha nama châta zubili châ aw ta, chi cheih leipa aw ei chi ta, a sawhlipa chhao la leipa aw ei chi ta, kre zôh mohôh leipa liata kre thei chhao nama lyu awpa châ vei.

THEIHTHAINA 25:13

“Cha zubili kô liata chyhsa to âmo râh chyu ama hnei heih aw.

THEIHTHAINA 25:41

Cha khai tawhta, a sawzy chhaota nâ tawhta pua aw ta, a chiheih lâ kua aw ta, a pathlatuhpazy râh liata a pahrâ heih aw.

THEIHTHAINA 25:54

Cha hawhna chata chatlaipa a châ leipa chhao ta, zubili kô liata cha, a sawzy chhaota a pua awpa a châ.

LUKA 1:74

Eima chariahpazy ku tawhta miah a pachha haw.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

KALATIA 4:25

Hâkarâ cha Arabia râh liata Sinai Tlâh châ ta, a sawzy chhaota sei ta a ypa ama châpa vâta, tahmâno ta Zerusale vyuhpa ta a duahpa a châ.

KALATIA 5:13

Unawh saih u, khotalaina hnei awpa ta awpa nama châ. Châhrasala nama khotalaina cha sapa ryhpaohna châta hmâh leipa u la, kyhpachâna ta tlao a chakao raihrie teh u.

1 PITY 2:16

Khotalaipa châ ei chi ta, châhrasala nama khotalaina cha moleina khu nawpa ta nama hmâ awpa châ leipa ta, Khazohpa chakaotuhpazy hawhta tlao nama y awpa a châ.