THEIHTHAINA 24:9 - Mara Bible RV (BSI)

⁹ Cha cha Arawna nata a sawchapawzy tovyuh châ aw ta, Abeipa lâta mei ta hmohlâpazy tawhta chhâzaw châta ama tovyuh pathaihpa a châpa vâta, su pathaihpa liata ama nie awpa a châ,” tah ta.

THEIHTHAINA 24:9 ပူးပေါင်းရင်းမြစ်များ

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

THEIHTHAINA 10:12

Chatawhcha Mawsi ta Arawna nata a sawchapaw a hrohpa Eliaza nata Ithamâ hnohta, “Abeipa lâta mei ta hmohlâpa niepa hlâna laibâhpazy la u la, hmo pathaih ngaitapa a châpa vâta, thinô pahlao leipa ta maisâh kiapâh liata nie teh u.

THEIHTHAINA 10:17

“Khazia moleina hlâna sa cha, supathaihpa su liata nama nie vei? Cha cha hmo pathaih ngaitapa châ ta, zawpi thaileichâna phaoh ta, Khazohpa hmiakô liata âmo châta chatlaina tao nawpa ta nama hnohta piepa châ vei ma?

THEIHTHAINA 21:22

A Khazohpa viahchhâ pathaih chaipa nata hmo pathaihpazy cha a nie thei khai aw.

THEIHTHAINA 24:10

Chyhsa pakha, a nô Izarei chyhsa, a paw Izi chyhsa cha, Izarei sawzy yna lâ vawh ta. Cha Izarei chanô sawchapawpa nata Izarei chyhsa pakha cha riehmo liata a tu ei ta.

THEIHTHAINA 3:17

“Thaw tlyma, thisaih tlyma, nama nie awpa châ vei tahpa cha, nama pahrâna maih liata nama chhâ zydua châta chhâzaw bieraopa a châ aw,” tah ta.

THEIHTHAINA 6:11

Chatawhcha a chysia cha pahluh aw ta, chysia hropa a tao aw ta, buchâhzy cha riehmo khôtho su sithaipa lâ a siekhei aw.

THEIHTHAINA 6:16

A laibâhpazy cha Arawna nata a sawchapawzy ta nie aw ei ta, ahmaohna poh o tlyhmia su pathaihpa liata thinô pahlao leipa ta ama nie awpa a châ.

THEIHTHAINA 6:9

“Arawna nata a sawchapawzy hnohta hetana heta biepie teh: He he raopa hlâna taozie awpa ryhpa a châ: Raopa hlâna cha maisâh chô liata mei liata azozâkhihdei ta y aw ta, a mylâ taihta a y aw. Maisâh liata mei cha a ia ngâ thlâh awpa a châ.

THEIHTHAINA 8:3

zawpi zydua cha ahmaohna poh o chhikao chheipâh liata kei pahmaoh teh,” tah ta.

THEIHTHAINA 8:31

Mawsi ta Arawna nata a sawchapawzy hnohta, “Sa cha ahmaohna poh o chhikao liata chhoh u la, ‘Arawna nata a sawchapawzy ta ama nie awpa a châ,’ tahpa ta bie ei piepa hawhna khata, chahnaona hlâna hrâbyh liata viahchhâ chhaota, cha su liata nie teh u.

MALAKHAI 1:12

“Châhrasala nâmo ta, ‘Abeipa tlâhkhai cha papuapaleipa châ ta, cha liata theilâpa nata niepazy chhao khâpasaw ta rei lei theipa a châ,’ nama tahpa liata ei moh cha nama papuapalei tyh.

MATHAI 12:4

Khazohpa o liata a ngia ta, ano nata a hnohta a ypazy châta nie pasai leipa, theihthaipazy deita nie theipa Ypâna Viahchhâ ama niepa kyh kha thei beih veih ei chi ma?

MÂKA 2:26

Abiathâ theihthai beichaipa a châ nota, Khazohpa o liata a ngia ta, theihthaipazy deita nie pasaipa Ypâna Viahchhâ nie ta, a hnohta a ypazy chhao a pie hrapa kyh kha reih beih veih ei chi ma?” tah ta.

LUKA 6:4

Khazohpa o liata a ngia ta, theihthaipazy deita nie pasaipa Ypâna Viahchhâ la ta, nie ta, a hnohta a ypazy chhao a pie hrapa kyh kha reih beih veih ei chi ma?” tah ta.

1 SAMUELA 21:6

Theihthaipa ta viahchhâ pathaihpa cha Dâvi pie ta. Ypâna viahchhâ Abeipa lâta hlâpa la pakhua noh ta viahchhâ lalôhpa ta ri tyhpa châ ta, cha noh liata deikua cha, Abeipa hmiakô tawhta lapa viahchhâ pathaihpa dei leipa ta viahchhâ hropa a y leipa vâta a châ.