THEIHTHAINA 24:5 - Mara Bible RV (BSI)

⁵ “Viahdie dipa la aw chi ta, cha chata viahchhâ tlâ hrawh hleino na tao aw. Viahchhâ tlâ kha châta viahdie kachu su hrawh su no lymâ hmâ awpa a châ.

THEIHTHAINA 24:5 ပူးပေါင်းရင်းမြစ်များ

1 ABEIZY 18:31

“Na moh cha Izarei a châ aw,” tahpa ta Abeipa bie a daotuhpa Zakaw sawzy chi zie ta Elaizâh ta alô mia hrawh hleino la ta.

1 THÂTIHZYRONA 23:29

Tlâhkhai liata viahchhâ chaluah awpa patohpatiana kyh liata zy, niepa hlâna viahdie patohpatiana kyh liata zy, viahchhâ thinô pahlao leipa châta viahchhâ papa patohpatiana kyh liata zy, viahchhâ pakâhpa hlâ awpa patohpatiana kyh liata zy, sathaw pahlaopa hmohlâpa patohpatiana kyh liata zy, a hluhna nata a laina panuana kyh zy liata chhao, Arawna pathlazy baotuhpa ama châ.

1 THÂTIHZYRONA 9:32

Ama heinawh Kôhâ pathla thokha cha, viahchhâ chaluahpa taona liata maophaohtuhpazy châ ei ta, Pahânoh maihta amâ chhuanoh tyh.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

NEHEMIAH 10:33

Cha thyunazy cha, tlâhkhai liata viahchhâ chaluahpa tao nawpa châta zy, niepa hlâna nata raopa hlâna hlâ tyhpa châta zy, Pahânoh ta hmohlâpa châta zy, thla thieh kyhchhi châta zy, daihti eihpa kyhchhi châta zy, hmo pathaihpa châta zy, Izarei sawzy chatlaina moleina hlâna nata eima Khazohpa o liata rai zydua hria nawpa châta hmâpa a châ aw.

NEHEMIAH 10:34

Keimo, theihthaipazy, Livai pathlazy nata zawpizy ta tho hlâ awpa ta nuby a dao pi ta. Ryhpa liata ropa hawhta, Abeipa eima Khazohpa maisâh liata ti awpa ta, thozy cha kô chareih daihti raopa liata, a chhôh chhôh ta eima Khazohpa o lâ eima vaw chei lymâ aw.

PUASAINA 25:30

Tlâhkhai liana chata khatino rai ta ypâna viahchhâ ei hmiakô liata na soh awpa a châ.

PUASAINA 39:36

tlâhkhai nata a chhaichhi zydua nata ypâna viahchhâ;

PUASAINA 40:23

Abeipa ta Mawsi hnohta bie a piepa hawhta, viahchhâ cha Abeipa hmiakô ta tlâhkhai liata yzie hnei kawpa ta soh ta.

PUASAINA 40:4

Tlâhkhai a ngiakhei aw chi ta, a chô liata hmo so awpazy soh khai aw chi ta, meiôh tôh a ngiakhei aw chi ta, a meiôhzy na patyuh aw.

MALUHREINA 4:7

“Ypâna viahchhâ tlâhkhai chô liata poh nohpa phaw aw ei ta, cha chô liata beikohzy, phiahthlazy, biebuhzy nata dopa hlâna patlai nawpa nyuzy soh aw ei ta, chiepadâh leipa ta viahchhâ so tyhpa chhao tlâhkhai chô liata a y awpa a châ.

MATHAI 12:4

Khazohpa o liata a ngia ta, ano nata a hnohta a ypazy châta nie pasai leipa, theihthaipazy deita nie theipa Ypâna Viahchhâ ama niepa kyh kha thei beih veih ei chi ma?

HMOTAOPAZY 26:7

Cha bietai cha eima chi hrawh hleinozy ta hmô awpa hnabeiseihpa ta, chhô nah zâ ta phahnai khoh ngaitapa ta Khazohpa ama chakao tyh. Hy abei y, cha hnabeiseihna kyh vâna chata Zuzy ta eina leih ei.

HEBRAI 9:2

Achhyna byureih sa ei ta, a chhôh tytuapa liata meiôh sona nata tlâhkhai nata Ypâna Viahchhâ sonazy y ta, cha cha Su Pathaihpa tahpa a châ.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

1 SAMUELA 21:6

Theihthaipa ta viahchhâ pathaihpa cha Dâvi pie ta. Ypâna viahchhâ Abeipa lâta hlâpa la pakhua noh ta viahchhâ lalôhpa ta ri tyhpa châ ta, cha noh liata deikua cha, Abeipa hmiakô tawhta lapa viahchhâ pathaihpa dei leipa ta viahchhâ hropa a y leipa vâta a châ.

1 SAMUELA 21:7

Cha noh ta, cha liata Sawla chakaotuhpa hry liata chyhsa pakha cha Abeipa hmiakô liata patupa châ ta. A moh Dôe châ ta, ano cha Edômâ chyhsa, Sawla sahroh vaituhpazy hyutuhpa a châ.