THEIHTHAINA 24:22 - Mara Bible RV (BSI)

²² Chihropazy châta nata a râh chyhsazy châta ryhpa â lyupa ta nama hnei awpa a châ. Kei he Abeipa nama Khazohpa ei châ,” tah ta.

THEIHTHAINA 24:22 ပူးပေါင်းရင်းမြစ်များ

PUASAINA 12:49

A râh chyhsa nata chihropa nama hry liata a pahrâpazy cha, ryhpa miakha ry liata ama y khai awpa a châ,” tah ta.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

THEIHTHAINA 24:23

Cha hawhna chata Mawsi ta Izarei sawzy cha chho ta, chhiesatuhpa cha riehmo khôtho lâ a chhi ei ta, Mawsi hnohta Abeipa biepiepa hawhta Izarei sawzy ta tao ei ta, alô ta ama vawhsao haw.

MALUHREINA 15:29

Pahno leina vâta moleina kyh liata, a râh chyhsa Izarei sawzy nata chihropa ama hry liata a pahrâpazy châta ryhpa miakha a hly awpa a châ.

MALUHREINA 9:14

Chihropa chyhsa nama hnohta a pahrâpa ta Abeipa zawpakhô kyhchhi a chay khoh hra khiahta cha, zawpakhô kyhchhi bieraopa nata ryhpa hawhta a chay hra aw. A râh chyhsa nata chihropazy châta ryhpa miakha nama hnei awpa a châ,” tah ta.

RYHPACHANEINA 1:16

Cha daihti liata, nama ryureituhpazy hnohta biehneina pie na ta, ama hnohta, ‘Nama unawhzy likah biepeipazy nathlie u la, chyhsa nata a unawhpa likah liata â do ngaitapa ta ryureih u la, chyhsa nata a hnohta a ypa chihropa likah liata chhao â do ngaitapa ta ryureih muh vy.